Armina Mevlani dhe Dalina Buzi pjesë e ekranit të Top Channel. Zbulohet emisioni që do të prezantojnë
Lexo edhe: Top Channel ndërron ngjyrë. Pas ardhjes së Shpresimit drejtor, ngrihet flamuri blu
Ky fillim viti ka patur disa ndryshime përsa i përket figurave të ekranit, në këtë sezon të ri televiziv. Kryesisht Top Channel ka nisur riformatimin e emisionit “Goca dhe Gra” ku përveç Teas pjesë e formatit nuk do të jetë as Krista Merkoçi dhe as Olesia Leco. Mesa duket emri i vetëm që do i rezistoj këtij formati për sezonin e dytë është pikërisht ai i moderatores Fatma Haxhialiu.
Menjëherë pas bërjes publike të lajmit, pikëpyetjet e para ishin rreth emrave të rinj që do ti bashkohen panelit të emisionit “ Goca dhe Gra”
Sipas burimeve në Top Channel deri më tani janë konfirmuar dy emra të cilat do ti shohim si pjesë të panelit ku këtë sezon vjen edhe me një ndryshim orari në trasmetim. Tashmë emisioni “ Goca dhe Gra “ do të trasmetohet ditën e mërkurë ora 21.00 në Top Channel.
Emri i parë i konfirmuar si pjesë e panelit të këtij formati është ai i Dalina Buzit, themeluese e portalit Anabel dhe së fundmi producente e serialit “Snob”.
Prej disa vitesh Dalina ka qënë pjesë e Top Medias si gazetare në disa produksione televizive ku më pas është shkëputur për të krijuar platformën e saj “Anabel”.
Ndërsa emri i dytë është ai i Armina Mevlanit ku duhet cilësuar që është hera e parë që moderon një format të tillë televiziv.
Deri më tani po përflitet për një emër të tretë që do ti bashkohet panelit të emisionit por akoma nuk është vendosur një emër definitiv. /Pamfleti
