Policia holandeze ka njoftuar ditën e djeshme se kishte arrestuar kreun e një sindikate aziatike droge, i cili është ishte renditur si një nga personat më të kërkuar në botë dhe është krahasuar me trafikantin meksikan të drogës Joaquin “El Chapo” Guzman.
57-vjeçari Tse Chi Lop, shtetas kanadez i lindur në Kinë, u arrestua të premten me kërkesë të policisë australiane, e cila drejtoi një hetim që zbuloi se organizata e tij dominon rrugët e tregëtisë së drogës në rajonin e Azisë dhe Paqësor, me fitime që përllogariten rreth 70 miliardë dollarë në vit, tha zëdhënësi i policisë holandeze Thomas Aling .
Tse pritet të ekstradohet pasi u paraqit para një gjykatësi, tha Aling, duke shtuar se arrestimi i tij nga policia kombëtare ndodhi pa incidente në aeroportin e Amsterdamit Schiphol.
“Tse Chi Lop është në kategorinë e El Chapo ose ndoshta Pablo Escobar”, tha Jeremy Douglas, përfaqësues i Azisë Juglindore dhe Paqësorit për Zyrën e Kombeve të Bashkuara për Drogat dhe Krimin përReutersnë 2019.
Sindikata që ai dyshohet të drejtojë është e njohur si “Kompania” dhe njihet kryesisht për trafikun e metamfetaminës dhe nënprodukteve të saj.
Tse kërkohej nga policia australiane prej tetë vitesh, që prej një aksioni në Melbourne ku u sekuestruan 2kg heroinë and metamfetaminë, $4milionë para ‘cash’, $5milionë në prona, $10,000 në bizhuteri, 99 çanta të dizenjuara nga emra të njohur, një veturë Lamborghini dhe $600,000 në çipe kazinoje.
Sipas Organizatës së Kombeve të Bashkuara, karteli i Tse siguron rreth 10-23 miliardë dollarë në vit nga trafiku i drogës.
