Gazetari Artan Hoxha ka komentuar skandalin e Toyota Yaris.
Hoxha theksoi se Lulzim Basha duhet të thotë se nga e ka marrë informacionin.
“Është një histori, ku qëllimi i hetimit do ishte zbulimi se kush është pronari i parave. E dyta nga e dinin se paratë do vinin me Toyota Yaris dhe se shuma ishte disa milionë euro? Ne nuk e dimë se kush i ka paratë. Problemi që ka Basha është fakti që nuk mund të dëshmojë nga e ka marrë informacionin. Basha ka marrë informacionet me mirëbesim dhe nuk i ka qëndruar tundimit dhe ka nxjerrë infot. Njeriu që i ka dhënë informacionin ka qenë i përfshirë në transferim parash. Hetimi deri tani ka dënuar me 1 vit burg vetëm një qytetar. Ne nuk kemi burimin nga vijnë paratë, nuk dimë nëse njeh Basha personat e përshirë. Të shohim nëse autoritetet belge a kanë mbyllur hetimin për të zbuluar këto pyetje. Basha është nën hetim nga autoritetet belge dhe nuk ka pranuar të dëshmojë përpara drejtësisë së shtetit belg. Nuk e dimë pse Basha trembet të paraqitet para autoriteteve belge, a mund të ndalojnë ata s’e dimë këtë gjë. Për drejtësinë tonë kjo histori është mbyllur, por për atë belge jo”, tha Hoxha i ftuar në një studio televizive.
