Kulture11 Dhjetor 2022, 12:32

Artistë të mëdhenj të një brezi të “humbur…?”

Shkruar nga Pamfleti

Artistë të mëdhenj të një brezi të “humbur…?”

Ilir Çumani bën bashkë dy aktorët e mëdhenj, Reshat Arbana dhe Zhani Ziçishti, ashtu si  dikur në filmin e mirënjohur artistik shqiptar: “Fije që priten”.

Drejtori i Përgjithshëm i Institutit Kombëtar i Integrimit të Jetimëve Shqiptarë, Ilir Çumani ka postuar një foto me aktorët e mëdhenj Reshat Arbana dhe Zhani Ziçishti, të njohur për rolet e tyre në filmat e kohës së komunizmit, kryesisht “Fije që priten”, ku Arbana luante rolin e Sami Amenit, një ish-oficer kriminel i gestapos, i arratisur pak kohë para vendosjes së regjimit komunist në Shqipëri, ndërsa Zhani Ziçishti luan rolin e përkthyesit.

Nga Ilir Çumani

Aktorë të mëdhenj, që e shpërfaqën lojën brilante në rrethanat e një lirie të kufizuar….!

Sot, këtë fundjavë, kafen e mëngjesit e konsumova mes një bisedë mjaft të këndshme dhe interesante me dy nga Miqtë e mi më të mirë, të dy Artistë elitarë, mjeshtra në lojën aktoriale të ekranit dhe të Kinematografisë Shqiptare:

Reshat Arbana, Artist i Popullit dhe Nder i Kombit, Zhani Ziçishti, Mjeshtër i Madh.

Të dy artistët janë bashkëmoshatarë 83 vjeçarë. Të dy kanë qënë bashkëstudent në një kurs, në Institutin e Lartë të Arteve për aktrim, dega Arti Dramatik….

Ata kanë realizuar bashkë ose veçmas role dhe karaktere shumë domethënëse, mjaft të spikatura e mbresëlënëse, të cilat kanë mbetur të gjalla në kujtesën shikuesit shqiptar.

46 vjet më parë, (në vitin 1976), ata do ti bashkonte si partnerë në një shesh xhirim Filmi mjaft i njohur Artistik Shqiptar “Fije që priten”.

Reshat Arbana, në këtë film është protagonisti kryesor, në rolin e Sami Amenit, një ish oficer i gestapos kuislinge, i arratisur shqiptar para vendosjes së rregjimit komunist në Shqipëri, i cili, disa vite më vonë kthehet i maskuar si turist i huaj, i infiltruar si agjent për sabotimin e këtij regjimi.

Ndërsa Zhani Ziçishti, (personazhi me emrin Genci), në këtë film, ishte në rolin e tij si përkthyes i Sami Amenit…

34 vjet më parë, (në vitin 1988), ata do të ishin sërish partnerë në një tjetër film televiziv me dy pjesë, “Rikonstruksioni”.

Arbana në këtë film do të ishte në rolin e një kryeinxhinieri burokrat, megaloman e mediokër i një porti detar, një kantier nga më të rëndësishëm në vendin tonë.

Shpesh, me arrogancën, konservatorizmin dhe paaftësinë e tij pengonte novatorizmin, të rejat e shkencës dhe përparimin e inxhinierëve të rijnve që bënin shpikje të reja dhe synonin përparimin dhe modernizimin e tenologjisë, rritjen e efektivitetit ekonomik në këtë kantier…

Në këtë film, aktori Zhani Ziçishti është në rolin e shefit ekonomist të këtij kantieri, (një vartës frikacak, i paguximshëm dhe aspak kurajoz, që shantazhohet dhe trysnohet prej kryeinxhinierit burokrat.

Ky i fundit, shfrytëzon ndonjë të metë e dobësi të vartësit të tij në punë, duke e detyruar që të paraqesë një bilanc shifrash fiktive për të mbuluar dështimet në realizimin e planit 6 mujor…. etj.

Këta janë Aktorët tanë, që në kushtet e një Shqipërie të izoluar dhe të indoktrinuar, (ku shumë gjëra kufizoheshin për shkak të propagandës së kohës), por që gjithsesi, me dashurinë për punën dhe profesionin e tyre mundën që me aq pasion dhe talent të bënin artin e bukur të lojës aktoriale, që të magjepste dhe të mbante mbërthyer në ekranin e televizorit të shtëpisë dhe në ekranin gjigand të kinemasë….

A mund të konsiderohen këta artistë të mëdhenj një brez i “humbur”, që talentin e tyre brilant e shpërfaqën në rrethana të kufizuara të një Shqipërie të izoluar …!?

Nderim për ta…!


Për të rejat më të fundit behuni pjesë e grupit tonë VIRAL në facebook : PAMFLETI


smile

Kulture #artiste te brezit te humbur #Ilir Çuman