Mançester Siti ka fituar në shtëpi kundër Uest Hemit në një ndeshje të dominuar me raste. Me këtë fitore “Qytetarët” kapin Çelsin në krye të renditjes.
Skuadra e Pep Guardiolës shënoi që në pjesën e parë me Gyndogan. Të zotët e shtëpisë patën shumë raste, por nuk arritën t’i konkretizonin. Golin e dytë e shënoi Fernandinjo. Miqtë rihapën sfidën me Lanzinin, por goli vlejti vetëm për statistikë.
Në ndeshjet e tjera, Leisteri fitoi 4-2 me Uatfordin, me Xhemi Vardin protagonist me dy gola. Humbje shokuese mori Evertoni me Brentford.
