Editorial31 Mars 2018, 18:20

Asgjë e re nga politika në Kalimash

Shkruar nga Pamfleti
Asgjë e re nga politika në Kalimash

Asgjë e re nga politika në Kalimash

Një grup qytetarësh të zemëruar me taksën në tunelin e Kalimashit, sulmuan dhe shkatërruan vendpagesat e taksës, pas një proteste të organizuar nga opozita. Skenat e dhunës dhe flaka mbushën disa orë ekranet shqiptare, dhe pati një ngazëllim opozitar në gjithë vendin. Mendoj se kjo është dhe e vetmja vlerë e protestës së sotme.

Shkruan Mero Baze

Problemi I asja që e quajmë “Rruga e Kombit”, është se vazhdon të mbetet një krim I pagjykuar dhe pandëshkuar dhe si e tillë po tenton të mbulohet me krime ordinere të reja, për tu harruar të vjetrat.

Protestuesit e sotëm, edhe pse kanë thyer traun, apo kanë djegur kabinat, nuk duhen parë si kriminelë. Çdo qytetar I zemëruar mund të shtyhet drejt veprimeve vandale nga politika kur ajo I manipulon, ndaj ata nuk duhet të jenë në qendër të debatit për këtë çështje, për më tepër, që sic u pa, shumë prej tyre ishin mercenarë shetitës protestash, nga 1997, e deri më sot.

Problemi I “Rrugës së Kombit”, është se ai është projekti më kriminal I politikës në Shqipëri, pasi përveçse ka kushtuar 1,3 milardë euro, është ende e papërfunduar dhe askush nuk ka mbajtur përgjegjësi për këtë.

Për të gjithë ata që thonë se kjo është protestë qytetare, duhet ti kujtoj se Shqipëria nuk ka bërë ansjë protestë qytetare për “Rrugën e Kombit”. Kjo e sotme do të ishte protestë qytetare, edhe sikur të digjej Kalimashi, por sikur të kishte ndodhur për miliona erot, që u janë marrë qytetarve nga xhepat e tyre me këtë rrugë. Ata që kanë në xhepa miliardat e kësaj rruge, sot kishin në xhepa molotvët për ti vënë flakën.

Kjo që ndodi sot është keqpërdorimi I qytetarëve për të mbuluar një krim ndaj të cilit ska pasur ndëshkim. Ndaj qytetarët janë të pafajshëm. Ata janë njësoj si protestusit e Xhaferit, Sudes, Vebiut më 1997, kur ustallarët morën lekët dhe ikën ca në Hollandë e ca në Ekuador, dhe nxitën popullin të digjte Shqipërinë në rrugë.

Është e njëjta skenë.

Mua nuk më shqetësojnë flakët. Për një protestë me interes qytetarë, për një shoqëri që reagon ndaj keqpërdorimit të taksave apo buxhetit të shtetit, një protestë mund të jetë shumë qytetare dhe duke I vënë flakën një ndërtese. Kjo e sotmja është karikaturë e protestës qyetare jo pse pati dhunë, por se është një inskenim politik I atyre që janë përgjegjës për atë krim që është bërë me atë rrugë.

Shqipëria e ka marrë ndëshkimin nga “Rruga e Kombit”. Buxheti I Shqipërisë është destabilizuar prej vitit 2010 dhe nuk e merr më veten. Shqiptarët e kanë paguar shumë shtrenjtë abuzimin Berisha Basha me atë rrugë. Reagimi I sotëm është keqpërdorim I njerëzve të zemëruar për të shpëtuar e shkuara kriminale e asaj rruge, e cila meritonte me kohë një protestë qytetare.

Koston për “Rrugën e Kombit” e ka paguar gjithë Shqipëria, dhe do të vazhdoj ta paguaj, kurse tarifën do ta pagujnë vetëm ata që kalojnë aty. Protesta e sotme është e atyre që ua kanë paraqitur si hall atë 5 euroshin e kalimit, por në fakt për atë rrugë, duhet të protestoj gjithë Shqipëria. Duhet të protestoj për të çuar para drejtësisë shkaktarët e atij krimi, ndaj shtetit shqiptar dhe jo të merren me pesë demosntrues të manipuluar që djegin kabinat. Ata që kanë hedhur sot molotov mbi kabina, po përdoren për të krijuar një krim të ri ordiner mbi historinë e “Rrugës së Kombit”, që të mbulojnë krimin politik dhe financiar që është bërë me të. Mos bini në kurthin e tyre, por ndiqni gjurmët e tyre të krimit në atë rrugë. Për atë rrugë do të vazhdojmë të pagujmë pasi është një varrë I hapur që na e ka lënë Sali Berisha. Kjo është forma më e lehtë e pagesës, pasi investimet do ti bëjë kompnia dhe do të marrë tarfiën në vite. Forma më e rënd ishte ajo që për një miting të Sali Berishës në 2009 me Erdoganin në krah, Bechtel-Enka  na mori me leje të Berishës 60 milionë euro dëm punimesh. Për ato nuk kemi protestuar kurrë, se nuk jemi qytetarë. As prokuoria nuk ka lëvizur kurrë.

Nuk mendoj që protesta duhet marrë aq seriozisht sa po merret. Nuk është mëkat as të rishikohet kontrata për të nisur me çmime më të ulëta, dhe për të rritur vit pas viti paralelisht me investimet që bëhen. Por ngazëllim I opozitës nga dhuna tregon se ajo ka nevojë të ndihet e fort, kur në krye të saj dalin qytetart e dëshpëruar dhe e udhëheqin atë. Në fakt ky vend ka nevojë, që në krye të ketë një opozitë që rrit shpresën e njerëzve, jo një opozitë që e udhëheqin turmat. Ato nuk të çojnë askund përveç gërmadhave.

Editorial Asgjë e re nga politika në Kalimash Mero Baze