Presidenti turk, Rexhep Tayyip Erdogan ka deklaruar se askush nuk do ta ndalojë Ankaranë që të garantojë sigurinë e kufijve të saj. Gjatë një dalje mediatike, Erdogan theksoi se rezultati i operacioneve ushtarake të Turqisë në Irakun Verior dhe Siri do të jetë i suksesshëm.
“Turqia ka të drejtë të marrë të gjitha masat për të garantuar sigurinë e saj, sigurinë e kufijve të saj. Askush nuk mund të na pengojë të përdorim këtë të drejtë,” tha Erdogan.
Sipas udhëheqësit turk, “në kushte të rënda dimri, kemi një luftë e rëndësishme në Zapa (në veri të Irakut) dhe në veri të Sirisë, rezultati i së cilës do të jetë i favorshëm“.
Vlen të theksohet se, që nga 20 nëntori, Turqia ka kryer një operacion ajror kundër krahut sirian të Partisë së jashtëligjshme të Punëtorëve të Kurdistanit në veri të Sirisë. Sulmet u kryen në qytet të Kobanit, si dhe në veri të Irakut. Erdogan e cilësoi operacionin të suksesshëm dhe nuk përjashtoi pasimin e tij me një ndërhyrje ushtarake nga toka.
