Shkruar nga Pamfleti
Të ftuarit e ambasadës amerikane në Prishtinë kanë nisur të mblidhen në takimin për çështjen e Asociacionit, i cili do të nisë nga ora 10:00.
Mësohet se deri tani atje kanë shkuar ambasadori britanik Nicholas Abbott, ambasadori gjerman, Jorn Rohde, shefi i BE-së, Tomas Szunyog.
Në ambasadë kanë arritur edhe zëvendëskryeministrja Emilja Rexhepi dhe ministri Nenad Rashiq.
Ndërkaq, nga partitë atje kanë arritur Lutfi Haziri nga LDK, Aleksandar Jabllanoviq nga Partia e Serbëve në Kosovë.
Diskutimi pritet të nisë në orën 10:00. Pjesëmarrjen në të e kanë konfirmuar përfaqësuesit e Kryeministrisë dhe Presidencës, por edhe të dy partive opozitare në Kosovë, Lidhjes Demokratike të Kosovës dhe Partisë Demokratike të Kosovës.
