Ish-drejtuesi i Bindjes Demokratike, Astrit Patozi ka reaguar përmes një postimi në Facebook për procesin e zgjedhjes së Presidentit.
Ai ka ironizuar bisedimet mes palëve dhe ka propozuar që kandidatët për president të bëjnë edhe një sfilatë.
“Meqë negociatat për zgjedhjen e Presidentit të Republikës po bëhen para kamerave, futini edhe një sfilatë të kandidatëve, që ta bëni tamam dhe të plotë transparencën. Dhe pasi të parakalojnë ata përballë jurisë kompetente, shpallni pastaj të hapur televotimin për publikun, që fituesi të jetë sa më i mbështetur dhe gjithëpërfshirës”, ka shkruar Patozi.
Ju rikujtojmë se në mbledhjen e sotme të Konferencës së Kryetarëve, Partia Socialiste dhe opozita ranë dakord që raundin e dytë dhe të tretë të propozojë vetëm opozita një emër për president.
Kështu, deri në raundin e katërt mazhoranca nuk do të propozojë emër.
Më 23 maj është raundi i dytë i votimit për zgjedhjen e presidentit. Votimi pritet të zhvillohet në orën 18:00.
