Përfundojnë dy ndeshjet e javës së 19 në Serinë A. Milani e ka mbyllur fazën e parë me humbje. Kuqezinjtë janë mundur në shtëpi nga Atalanta me rezultatin e pastër 0-3. Bergamaskët zhbllokuan rezultatin në minutën e 26. Kistian Romero shmangu me një lëvizje të bukur Kalulun dhe mposhti portierin Donarumma.
Në minutën e 51, skuadar e Gasperinit dyfishoi rezultatin me Iliçiç nga pika e bardhë e penalltisë. Një 11-metërsh i shkaktuar nga një goditje me bërryl të Kesie ndaj sllovenit.
Sikur të mos mjaftonte kjo, Milani pëson edhe golin e tretë në minutën e 77. Duvan Zapata finalizoi në mënyrën e duhur një kundërsulm të shpejtë të bergamaskëve.
Me këtë humbje, Milani ruan vendin e parë me 43 pikë, ndërsa Atalanta ngjitet në vendin e 4 me 36 pikë.
Në ndeshjen tjetër, Interi nuk ka përfituar nga hapi fals i Milanit. Zikaltërit nuk kanë shkuar më shumë se barazimi pa gola (0-0) ndaj Udinezes.
Me këtë barazim, Interi mban vendin e dytë me 41 pikë, ndërsa Udineze renditet në vendin e 15 me 18 pikë.
