Autobusi që përfundoi mbrëmjen në lumin Lanë, vijon të jetë ende aty. Gjatë natës forcat zjarrfikëse kanë mundur të nxjerrin autoveturën që përfundoi poshtë autobusit, por ky i fundit mbetet aty.
Aksidenti i frikshëm u shënua mbrëmjen e djeshme rreth orës 20:10, pranë ish-kinema “Agimit” në Tiranë.
Autobusi i Unazës pasi u përplas me një veturë, përfunduan të dy në lumë. Ndërkohë mbetën të plagosur 5 persona. shtetasit M. K., 62 vjeç, (drejtuesi i autobusit), A. K., 61 vjeç, (faturino), pasagjerja e autobusit, shtetasja F. Ç., 64 vjeçe, shtetasi J. R., 27 vjeç (drejtuesi i mjetit) dhe shtetasi A. H., 27 vjeç, (pasagjeri i mjetit).
Ndërkohë një propozim interesant ka ardhur nga artisti Heldion Haliti, i cili shprehet se autobusi duhet të qëndrojë aty dhe kjo do e kthente në një prej instilacioneve më të veçanta në botë.
