Një autobus që udhëtonte nga Kosova është aksidentuar në Salzburg të Gjermanisë. Aksidenti ka ndodhur rreth orës 03.00 të mëngjesit dhe deri më tani raportohet për 20 persona të plagosur.
Sipas mediave vendase, në autobus kanë qenë 25 persona dhe 3 kanë dëmtime më të rënda.
Sipas mediave austriake, aksidenti ndodhi në aksin Salzburg- Wallersee. Autobusi është përplasur me bordurat mbrojtëse, ndërsa thuhet se ky aks ka qenë në ndërtim. Nuk dihen ende shkaqet e këtij aksidenti. Destinacioni final i autobusit ishte nga Kosova në Hanover.
Mësohet se pasagjerët janë dërguar të gjithë në spital për të marrë ndihmën e duhur mjekësore.
Aksidenti bllokoi për disa orë trafikun në këtë zonë, ndërsa në vendin e ngjarjes shkuan edhe disa makina zjarrfikëse.
