Sot ka nisur bojkoti 10 ditor ndaj masave të sigurisë nga ana e avokatëve, pas vendimit të marrë ditën e djeshme nga Këshilli i Përgjithshëm i Avokatisë së Shqipërisë. Kësaj nisme i janë bashkuar edhe avokatët e Beratit dhe Korçës.
Nga ana e Avokatëve të Beratit, bojkotimi i senacave gjyqësore do të jetë pa afat, ndërkohë masat e sigurisë do të bojktohen në një afat 10-ditor. Ky bojkot erdhi pas vendimit për ndryshimin e hartës së re gjyqësore, nga e cila do të shkrihen disa gjykata në qytete të ndryshme, një prej të cilave edhe Gjykata e Apelit Vlorë, që mbulon jugun e vendit,e cila mendohet të transferohet në Tiranë.
Kryetari i Dhomës së Avokatëve të Beratit, Plarent Lapardhaja ka deklaruar se ky bojkot do të vazhdojë pa afat deri në përmbushjen e kërkesave të tyre dhe se avokatët e Beratit do ti bashkohen çdo vendimi që do të merret nga Dhoma e Avokatisë së Shqipërisë.
Nga ana tjetër i janë bashkuar këtij bojkotimi edhe grupi i avokatëve të Korçës. Kryetari i Dhomës së Avokatisë në Korçë, Arben Lena ka thënë se në rast se do të ketë pjesë nga grupi i avokatëve të Korçës që do të paraqiten në proceset gjyqësore, Dhoma e Avokatisë do të nisë proces disiplinor për ta.
“Ka pasur zëra kundër për teknikalitete, jo për qëllimin e përbashkët ditën e djeshme. Vendimi vjen në sinkron me atë që kemi kërkuar prej dy javësh. Ka zëra nga shoqata e gjyqtarëve dhe qeverisë që janë kundër nesh. Besoj se do ketë ndërgjegjësim nga ana e shtetit. Në qoftë se ne nuk zbatojmë të drejtat e parashikuara në rezulton për të drejtat e njeriut, le mos e njohin me as avokatinë. Ne kërkojmë rishikimin e hartës gjyqësore”, është shprehur ai.
