Shkruar nga Pamfleti
Avokati Llallës: I merrni të keqen Tikut, nuk e arrestoni dot
Sokol Hazizaj, avokati i ish-Kryeprokurorit Adriatik Llalla është shprehur për Te Sheshi.com se ndaj klientit të tij nuk ka nisur asnjë procedim penal. Në lidhje me urdhër-arrestin që është lëshuar Hazizaj u shpreh se: ‘’ Nuk di ç’të them për lajmet që dalin.
Si përfaqësues ligjor i z. Llalla mund të deklaroj qartësisht se nuk është regjistruar asnjë procedim qoftë penal qoftë jo penal ndaj tij”.
Deklarimi i Sokol Hazizajt është deklarimi i parë zyrtar i përfaqësuesit ligjor të ish-Kryeprokurorit.
Hazizaj është një nga juristët më të njohur në vend. Për një kohë ka qenë ligjvënës, më pas ka punuar si zv.ministër i Drejtësisë, për të kaluar në katedrën e Universitetit të Tiranës, si profesor i së drejtës.
Hazizaj, prej disa vitesh tashmë ka kaluar në profesionin e lirë të avokatit.
