Aktualitet 2 Gusht 2018, 08:05

Avokati ngre alarmin: Po dalin nga burgu kriminelë që meritojnë burgim të përjetshëm

Shkruar nga Pamfleti
Avokati ngre alarmin: Po dalin nga burgu kriminelë që meritojnë

Avokati ngre alarmin: Po dalin nga burgu kriminelë që meritojnë burgim të përjetshëm

Gjatë një prononcimi për mediat ditën e djeshme, avokati Baftjar Rusi kanë dhënë alarmin se për shkak të mosfunksionimit të Gjykatës së Lartë. Ai thotë se po dalin nga burgu kriminelë, të cilët meritojnë burgim të përjetshëm. 

“Gjykata e Lartë mund të ketë rekurset, kundërshtimin e vendimeve, humbje të fuqisë së paraburgimit dhe kanë filluar të lirohen njerëz që rrezikojnë nga aktiviteti kriminal dhe dyshimi dhe akuza e marzhit të dënimit penal deri në burgim të përjetshëm. Pra do të thotë që shteti ka marrë një kosto shumë të madhe, pra ta lirosh këtë për humbje të fuqisë së paraburgimit, sepse nuk jep vendimin më Gjykata e Lartë, nuk ka më konsumim afatesh ligjore për shkak se nuk funksionon, depozitohen kërkesat ka probleme të juridiksionit dhe kompetencës që nuk zgjidhet, i bie që nesër pasnesër të shuhen masat e sigurimit”, deklaroi ai.

Sipas avokatit Rusi, mosfunksionimi i Gjykatës Kushtetuese mund të sjellë edhe shpërndarjen e Parlamentit.

“Në qoftë se marrim rastin e një konflikti të madh të një kërkese që mund të jetë shumë evidente që mund të bëjë grupi parlamentar i opozitës, apo qoftë edhe i pozitës, po kështu edhe figura e Presidentit që janë subjekte pro, që janë subjekte që vendosin në lëvizje Gjykatën Kushtetuese nesër pasnesër, kjo e çon në shpërndarjen e Parlamentit dhe në një ngërç që nuk lejohet artificialisht por është realisht i prekshëm dhe shumë i ndjeshëm”, u shpreh ai.

Ndër të tjera apeloi të mos bëhen gabimet që janë bërë që e kanë çuar vendin në këtë gjendje por të votohet ligji i shkollës së magjistraturës.

“Nëse nuk do të kemi Shkollën e Magjistraturës, mirë ne sot që e futëm në ngërç dhe po e nxjerrim jashtë funksionit dhe sistemit, po nesër pjesa që ka 90 % të gjyqtarëve dhe prokurorëve si do të ripërtërihet nëse nuk do të jenë 50 që do të jenë që këtë vit që pas 3 vitesh të dalin dhe të marrin mandatin e funksionit për emërimin e mandatit për gjyqtarë dhe prokurorë”, nënvizoi avokati Baftjar Rusi.

Aktualitet avokati Baftjar Rusi