Edi Rama merr masa për të lehtësuar ndëshkimin për bandën e tij të korrupsionit, ul dënimin për shpërdorimin e detyrës, në bashkëpunim me Etilda Gjonajn ndalon me Kod Penal edhe talljen e ministrave dhe drejtorëve që vjedhin, ndalon denoncimin e vjedhjes, kush denoncon politikanët hajdutë shkon në burg
Me ngritjen e Byrosë Kombëtare të Hetimit dhe bllokimin e nisjes negociatave nga Brukseli si masë shtërnguese për goditjen e korrupsionit në nivele të larta, Edi Rama ka nisur të marrë masa për të lehtësuar ndëshkimin që i pret ministrat, kryebashkiakët dhe drejtorët e korruptuar, me të cilët u ka shkaktuar shqiptarëve një dëm ekonomik prej 7 miliardë eurosh në 7 vite.
Nga ana tjetër, Edi Rama po ndalon me Kod Penal memet dhe denoncimin e korrupsionit nga media. Rama, në bashkëpunim me Etilda Gjonajn në krye të Ministrisë së Drejtësisë, ka vendosur të ulë dënimin me burg në Kodin Penal për veprën penale të shpërdorimit të detyrës. Etilda Gjonaj dhe stafi e saj kanë hartuar një kod të ri penal, me pretendimin se kodi aktual ka ndryshuar shumë herë dhe se tashmë duhet të hiqen dhe përfshihen edhe disa vepra të tjera penale, për t’ju përgjigjur zhvillimeve të kohës. Por, pas kësaj lëvizje fshihet edhe një skenar i Edi Ramës dhe rrethit të tij, për të ndihmuar kokat e aferave në Shqipëri, që kanë shpërdoruar detyrën, për të vjedhur pasuritë publike.
Aktualisht, shpërdorimi i detyrës, një vepër e kryer masivisht nga ministra, drejtorë, deputetë, kryebashkiakë etj., dënohet me 3 deri në 7 vite burg. Edi Rama dhe Gjonaj mësohet se e kanë ulur nga 2 deri në 5 vite burg. Ulja deri në 5 vite është bërë qëllimisht që të korruptuarit të mos bëjnë asnjë ditë burg, pasi edhe nëse dënohen, dalin me shërbim prove. Ata që dënohen për herë të parë për një vepër penale që në maksimum dënohet deri në 5 vite burg, përfitojnë nga shërbimi i provës. Në vend që të rritej dënimi për këtë vepër penale, kupola politike e Tiranës po kërkon ta ulë dënimim, kur dihet se shpërdorimi i detyrës bëhet vetëm nga pushtetarët.
Megjithatë, Kodi e ri Penal i Edi Ramës përman akte të tjera të rënda kundër demokracisë në Shqipëri, fjalës së lirë dhe sidomos mediave. Me Kodin e ri Penal, Edi Rama dhe pushteti i tij kërkojnë të ndalojnë me ligj memet dhe ironizimin e ministrave dhe drejtorëve të korruptuar, duke parashikuar dënime të rënda.
Në një kohë kur Brukseli kërkon heqjen e shpifjes nga Kodi Penal, Rama dhe banda e tij, e kanë zgjeruar këtë nen dhe kanë rritur dënimin. Por, më e rënda është ndalimi i memeve, që janë një nga format më goditëse të shprehjes në demokraci. Kodi i ri Penal është një atentat ndaj demokracisë dhe duhet ndalur sa nuk është vonë./Pamfleti
