Shkruar nga Pamfleti
Bajerni luan tenis në fushën e Frankfurtit, kampionët e Gjermanisë makineri golash edhe pa Levandovskin
Përfundon ndeshja hapëse e Bundesligës për sezonin 2022-2023. Bajerni ka shkatërruar me rezultatin tensitik 1-6 kampionët e Europës, Ajntraht Frankfurt.
Siparin e golave e hapi Xhoshua Kimish me golin e realizuar në minutën e 5. Me një goditje dënimi nga thuajse 40 metra befasoi me goditje krosi portierin e Frankfurtit në shtyllën e parë, pasi e pati edhe rrezen e penguar nga disa lojtarë dhe tymueset e hedhura…
Shifrat u dyfishuan nga Pavard në minutën e 11, pas një rrëmuje në zonë dhe me një diagonaleje të fortë.
Në minutën e 29, blerja më e re e kampionëve të Gjermanisë, Sadio Mane trefishoi shifrat, me kokë pas nje krosimi të bukur nga krahu.
6 minuta më pas ishte radha e Musialas! Talenti i Bajernit ka katërfishoi shifrat. Mane ndërmori inkursioniin, më pas pasoi për Mylerin që mori krahun dhe e ktheu në qendër, ku Musiala e pati të lehtë ta dërgonte në rrjetë.
Në minutën e 43 pati kohë edhe për një gol. Serzh Gnabri pesëshoi shifrat.
Me fillimin e pjesës së dytë, më konkretisht në minutën e 64, Frankfurti ngushtoi shifrat në 1-5 me Randal Kolo Muani, por goli i tij vlejti vetëm për statistikë.
Kur mendohej se ndeshja do të mbyllej këtu, Musiala realizoi dopietën e tij të parë për këtë sezon dhe të gjashtin për Bajernin.
