Burak Özçivit, ose siç njihet ndërkombëtarisht tashmë si “Osman” prej rolit të tij, ka festuar ditën e enjten ditëlindjen e tij të 36-të. Pavarësisht moshës ai mbetet një nga aktorët turq më të bukur.
Si duket, për të, vlen shprehja “Bëhet më i mirë me kalimin e viteve.”
Dhe sigurisht në këtë ditë të veçantë s’mund të mungonte një urim publik nga bashkë shortja Fahriye Evcen, e cila ndau disa foto shumë të bukura në Instagram, ku shihen në krahët e njëri-tjetrit.
“Gjysma ime.. Gëzuar ditëlindjen!”- shkroi aktorja krah fotove.
Të njëjtat foto janë postuar më pas edhe nga Buraku në profilin e tij në Instagram, ku menjëherë kanë vërshuar komentet e urimet nga fansat të cilët dhuruan shumë dashuri për të preferuarin e tyre.
Burak Ozçivit dhe Fahryie Evcen janë një nga çiftet më të dashur për publikun shqiptar dhe mjaft të përfolur për martesën e tyre.
Ata janë mjaft aktivë në rrjetet sociale dhe herë pas here na kënaqin me postimet ku shfaqen së bashku ose me të voglin e tyre në Instagram.
Dy aktorët e njohur turq u bënë prindër për herë të parë më 13 prill 2019 dhe djali i tyre quhet Karan.
Kujtojmë se gjatë verës ata u vendosën në qendër të vëmendjes pasi u përfolën sërish se po shkojnë drejt divorcit. Mediat turke raportonin se pas vdekjes së të atit, Fahriye ra në depresion dhe Burak i ka kërkuar asaj që të ndiqte disa seanca te psikologu, mirëpo bashkëshortja e tij nuk ka qenë e këtij mendimi.
Po ashtu, u tha se problemi më i madh i çiftit ishte edukimi i djalit të tyre, duke mos pasur pajtueshmëri në lidhje me rritjen e tij dhe si pasojë kanë përjetuar shumë konflikte.
Por, fatmirësisht, çdo gjë rezultoi në kuadër të thashethemeve.
