Kinezët janë përfshirë në fushatë elektorale për PS-në, si kontribut që po na zhvasin naftën, pa i paguar shtetit asnjë taksë dhe asnjë cent nga 400 milionë Euro që i kanë detyrim si pjesë e fitimit prej 17 vitesh, sepse kryehajdutët Nano, Metaj, Berisha e Rama e kanë lejuar të mashtrojë me bilance false, sikur firma mafioze “Bankers” del me humbje
Kompania “Bankers”, përgatit e financon kronika mediatike me pastrim të ndonjë kanali lagjeje e mbushje gropash në rrugët e fshatrave të Marinzës, sa herë që denoncohet për mashtrime tatimore e doganore me fitimet, naftën e eksportuar, pagat, sigurimet dhe falsifikimet për shmangie taksash.
Këtë gjë, “Bankers” e bëri dhe me 11 tetor 2022, pas denoncimeve nga “Pamfleti”, lidhur me mashtrimin e evazionin fiskal, nëpërmjet të cilit, jo vetëm po zhvat afro 1 milionë ton naftë shqiptare falas në vit, por nuk paguan asnjë qindarkë taksë e detyrim rente minerare.
Kronika e radhës, bënte fjalë për një show në pastrimin e një kanali lagjeje në Marinzë dhe një takim në zyrën e “Bankers”, ku ishin Drejtori i Përgjithshëm, Huanqin Xiao, kryebashkiakja e Roskovecit, Majlinda Bufi dhe drejtuesi i PS lokale e zyrtar i bashkisë.
Madje çdo fund viti, “Bankers” mbjellë edhe nga 20 pemë, dhuron qese me ushqime, nga 2-3 kompjuterë në shkolla e lodra në kopshtet e bashkisë Roskovec, për të treguar se fitimet nga nafta, i përdorin si kontribute për banorët e zonës që shkatërroi më 2015-ën.
Referuar Kontratës PPP datë 19.06.2004 dhe vendimeve të qeverisë nr.251, datë 12.3.2009 e nr. 726, datë 2.11.2014, “Bankers” nuk ka pse bën “bamirësi” me pastrim kanalesh e qese ushqimesh, por ka detyrim ligjor, që Bashkisë Roskovec t’i japë 5% të Rentës minerare vjetore.
Vlera vjetore e Rentës është 10% e fitimit, ose 3.5 milionë Euro në vit, që sipas llogarisë, del se “Bankers” duhet t’i japë Bashkisë Roskovec 170 milionë lekë në vit, si dhe 210 milionë lekë taksa e 1.2 milionë Euro në vit dëmshpërblim për rehabilitimin e tokave që ndoten nga mbetjet.
Mirëpo mafiozët e “Bankers”, bëjnë bilance false sikur dalin me humbje dhe nuk paguajnë asnjë qindarkë Rentë minerare e taksa, madje prej 9 vitesh nuk i dërgohen as faturat për këto detyrime.
Sepse prej kaq vitesh, Edi Rama kanë bërë pazarin me grabitësit e “Bankers”, për të mos paguar taksa në shtet e te Bashkia, ndërsa kryebashkiakja, duke iu bindur Bablokut bënë show në pastrim kanalesh me drejtorin e kësaj kompanie.
E themi këtë, pasi në vitet 2018-2019, “Bankers” deklaroi 5.2 miliardë lekë fitim. Në vitin 2020, deklaroi afro 1.4 miliardë lekë humbje, ndërsa për vitin 2021 megjithëse nuk e ka dorëzuar akoma bilancin, flitet për një deklarim me 2 miliardë lekë humbje.
SPAK duhet të ri-fillojë hetimin për “gropën e zezë” me emrin “Bankers”, pasi brenda saj, përveçse afro 1 milionë ton naftë vjedhje në vit, ka falsifikim letrash prodhimi, eksporti e importi,
Këtë mashtrim, bosët e “Bankers” e kanë dhe po e vazhdojnë në pazar e bashkëpunim me qeveritarët, duke nxjerrë bilance me humbje, që vetëm ndaj shtetit janë 400 milionë Euro detyrime taksa në 16 vite koncesion./Pamfleti
Lexoni dhe shkrimin e publikuar nga “Pamfleti” më 31 gusht 2022:
