Sport 7 Prill 2022, 23:06

Barça mjaftohet me një pike në transfertën e Gjermanisë, Murinjo del sërish me “kocka të thyera” nga Norvegjia! Bodo

Shkruar nga Pamfleti
Barça mjaftohet me një pike në transfertën e

Barça mjaftohet me një pike në transfertën e Gjermanisë, Murinjo del sërish me “kocka të thyera” nga Norvegjia! Bodo i bëhet ferr

Barcelona largohet me një barazim 1-1 në çerekfinalen e parë të Europa League ndaj Eintracht Frankfurt. Xavi Hernandez e kishte parashikuar të vështirë duelin në Gjermani dhe kështu ndodhi në fakt teksa vendasit e vunë në vështirësi ekipin katalanas.

Në pjesën e parë Eintracht ishte shumë insistues dhe pati një epërsi ndaj katalanasve në raste teksa mori dhe një penallti për një pengim të Busquets në zone që u anulua nga VAR me të drejtë.

Me të nisur pjesa e dytë, Eintracht gjeti golin me Knauff në 48’ dhe aty Barcelona nis të sulmojë më tepër dhe në 66’ është Ferran Torres që vendos barazpeshën. Edhe dalja me të kuqe e Tuta në 78’ te Frankfurti nuk ndryshon më rezultatin që fiksohet në 1-1.

Në sfidat e tjera, nuk pati fitues as në supersfidën West Ham-Lyon që u mbyll edhe ajo në një barazim 1-1 teksa Braga mori një fitore 1-0 ndaj Rangers në duelin e parë në Portugali.

Sikur të mos mjaftonin 8 gola të pësuar në fazën e grupeve, Bodo/Glimt vazhdon të jetë makthi i karrierës së Jose Mourinhos… Special One tha se do te shkonte per hakmarrje ne Norvegji ndaj nje ekipi qe e kishte poshteruar, por eshte poshteruar serish…

Në fakt, sonte në Norvegji, në veriun e largët dhe acarin e madh, Roma përmbyset pasi kishte kaluar në avantazh 0-1 me golin e bukur të Pellegrinit. Skuadra kampione e Norvegjisë, që ka larguar thuajse gjysmën e ekipit dhe më të mirët, ka befasuar sërish…

Ndëshkimi vjen në fund, nga e majta, sigurisht me ndihëmn e Vina. Pellegrino shkon për të shërbyer dhe e vendos topin në kokë Vetlesen, i cili i shpëtoi mbulimit të Cristantes, dhe cili godet fort duke gjetur devijimin e mbrojtësit të krahut Vina që dërgon topin pas krahëve të Rui Patricio…

Pikërisht portieri ishte ai që kishte bërë gabim te goli momental 1-1 i Bodo Glimt, tashmë një mace e zezë dhe jo vetëm për verdhekuqtë, që në Itali pas 7 ditësh duhet të fitojnë me çdo kush për ta çuar të paktën në shtesë dhe më shumë se një gol nëse duan të kalojnë në 90 minuta…

Sport Ajntraht Frankfurt Barcelona Conference League europa League Roma