Barcelona nuk dorëzohet për Robert Levandovskin, ndërkohë që nga ana tjetër edhe Bajerni i Mynihut nuk ka ndërmend të lëshojë.
Madje, kampionët e Gjermanisë po e bëjnë edhe më të vështirë misionin e katalanasve, që janë gati të ofrojnë 40 milion euro për polakun.
“Sky Germany” së fundmi raporton se Bajerni ka fiksuar edhe çmimin për Levandovskin.
Bavarezët duan 60 milion euro, një shifër e lartë kur sulmuesi ka edhe një vit kontratë.
Synimi i Barcelonës është që Leva të mos e fillojë parasezonin me Bajernin më 12 korrik, por mendon që më 11 korrik polaku ta vendosë veten nën urdhrat e Çavit, në mënyrë që të jetë edhe në turneun dyjavor të SHBA-ve në korrik. Ndryshimi i qendrimit të Bajernit, i shtuar nga levat ekonomike që duhet të shpallen këtë javë, duhet të nxisë ardhjen e Robert Levandovskit te Barça.