“Mashtrimeve të kryeministrit Edi Rama u ka ardhur fundi”, ka deklaruar drejtuesi politik i PD në Elbasan, Gazmend Bardhi.
Partia Demokratike akuzon kryeministrin Edi Rama se “është tallur me mësuesit”. Përmes një postimi në rrjetet sociale, Bardhi bën përgjegjës Ramën për degradimin e vendit.
Bardhi tha se në 8 vjet, Rama degradoi arsimin dhe nëpërkëmbi mësuesit. “Propaganda e tij nuk e mbulon dot dështimin 8 vjeçar”, shtoi ai. Qeveria nuk i rriti pagat e mësuesit sikurse premtoi, tha Bardhi dhe akuzoi Ramës se “ i kërcënoi me vendin e punës dhe bukën e gojës së fëmijëve”.
Ish-deputeti i Pd tha mes të tjerave se gati 200 mijë nxënës janë larguar nga sistemi arsimor shqiptar për faj të Edi Ramës.
“Praktikisht, Edi Rama ka bërë krim me arsimin dhe për këtë do ta paguajë faturën në 25 Prill!
Njerëzit nuk kanë për të harruar 8 vjet shkelje me këmbë. As mësuesit dhe nxënësit nuk kanë për të harruar”, deklaroi Bardhi.
Postimi i plotë:
Mashtrimeve të Edi Ramës u ka dalë boja. Imazhet e videos do ta ndjekin deri në 25 prill për të kujtuar se ai është përgjegjësi kryesor për dështimin. Në 8 vjet, ai degradoi arsimin dhe nëpërkëmbi mësuesit. Propaganda e tij nuk e mbulon dot dështimin 8 vjeçar.
U tall me mësuesit, nuk u rriti pagat siç premtoi, i kërcënoi me vendin e punës dhe bukën e gojës së fëmijëve. Shumë prej tyre i hodhi në rrugë, ndërsa gati 200 mijë nxënës i largoi nga sistemi arsimor shqiptar. Praktikisht, Edi Rama ka bërë krim me arsimin dhe për këtë do ta paguajë faturën në 25 Prill!
Njerëzit nuk kanë për të harruar 8 vjet shkelje me këmbë. As mësuesit dhe nxënësit nuk kanë për të harruar. Më 25 Prill.
Videon e gjeni në likun e mëposhtëm
https://www.facebook.com/gazmentbardhi.al/videos/190188305816888
