Lulzim Basha ka zbuluar mbrëmjen e sotme bisedat që ka zhvilluar me Sali Berishën pas vendimit të SHBA për ta shpallur këtë të fundit non-grata.
Ai tha se “Berisha ma ka thënë në sy që para vetes nuk vë as PD dhe as demokratët.”
“Se çfarë di unë, dhe që kam vendosur të mos pështyj mbi Berishën për bashkëpunimin 16-vjeçar, këtë e dinë të gjithë shqiptarët. Askush nuk i ka mbajtur marrëdhëniet me ndërkombëtarët më mirë se unë në PD. PD u përça jo për shkakun tim.
Por më lini të them hapur se Berisha ma ka thënë në sy që para vetes nuk vë as PD dhe as demokratët. Ndërsa unë i thashë që ti merr vendimet e tua, un marr vendimet e mia”, tha Basha për Open.
Kujtojmë se Lulzim Basha dhe Sali Berisha i kanë shpallur luftë njëri-tjetrit, pasi ky i fundit u përjashtua nga Grupi Parlamentar i PD-së, pasi ishte shpallur ‘non grata’ nga SHBA-ja.
