Një emision i ri pritet të nis së shpejti në ekranin e TCH.
Bëhet fjalë për emisionin e quajtur ‘’Vip dado’’ që fillimisht u tha se do të kthejë në ekran si prezantuese Anita Haradinajn.
Por mësohet se Anita do të jetë producente e këtij programi ndërsa do të moderohet nga motra dhe kunata e saj, Lola Haradinaj.
Bashkëshortja e politikanit të njohur, Daut Haradinaj, rikthehet në ekran pas një kohe të gjatë shkëputje.
‘’Vip dado’’ ka në fokus të famshmit dhe fëmijët.
“Nuk është tamam tamam reality-show. Ideja është: Një familje e re e zakonshme, që nuk ka dado, kërkojnë një të tillë, dhe atë dado ia çojmë ne, për një orar të shkurtër”, ka thënë Anita duke shtuar se kanë një “database”, me të dhënat e VIP-ave, dhe përmes tyre zgjedhin se cili prej tyre i përshtatet familjes që kërkon një dado.
