Bashkimi Evropian ka njoftuar ditën e sotme se do të rifillojë veprimet ligjore kundër Britanisë së Madhe lidhur me një projektligj të prezantuar nga Londra e cila do të anashkalonte pjesë të traktatit mbi marrëveshjen e Brexit.
Projektligji që ka propozuar Mbretëria e Bashkuar, synon të heqë kontrollet doganore për disa mallra që hyjnë në Irlandën e Veriut nga ana tjetër e Britanisë se Madhe. Kjo sipas BE anashkalon një pjesë të traktatit që kryeministri Boris Johnson nënshkroi me Bashkimin Europian dy vjet më parë.
BE-ja ka deklaruar se vendimi i njëanshëm i Mbretërisë së Bashkuar është në kundështim me ligjin ndërkombëtar, duke shkelur kështu Protokollin e Irlandës së Veriut ,pjesë e marrëveshjes së Brexit që e mban Irlandën e Veriut në tregun e përbashkët të BE-së për mallra.
Bashkësia e 27-vendeve europiane do të rifillojë procedurën e shkeljes kundër qeverisë së Mbretërisë së Bashkuar , pasi vitin e kaluar Britania tejkaloi periudhën mospagimi që zbatohet për tregtinë në ishullin e Irlandës. Për më tepër BE-ja pritet që të nisë veprime të mëtejshme kundër Britanisë për një dështim për të kryer kontrollet e nevojshme sipas rregullave të BE-së dhe për të ofruar të dhëna statistikore tregtare siç kërkohet nga protokolli.