Udhëheqësit e BE-së do të vendosin sot nëse do t’i japin Ukrainës statusin e vendit kandidat, pas një rekomandimi pozitiv nga Komisioni Evropian të premten e kaluar.
Udhëheqësit e BE-së në Bruksel pritet të nënshkruajnë rekomandimin e javës së kaluar nga Komisioni Evropian, ekzekutivi i BE-së.
Presidenti i Ukrainës, Volodymyr Zelensky, tha se ai kishte folur me 11 liderë të BE-së të mërkurën për kandidaturën e Ukrainës dhe do të bëjë më shumë thirrje sot që 27 vendet e BE-së të mbështesin statusin e kandidatit të Ukrainës.
“Ne e meritojmë atë. Ky është një moment shumë i rëndësishëm për ne, sepse disa njerëz në ekipin tim thonë se kjo është si të shkosh në dritë nga errësira.
Përsa i përket ushtrisë dhe shoqërisë sonë, ky është një motivues i madh, një faktor i madh motivues për unitetin dhe fitoren e popullit ukrainas.”, tha lideri ukrainas.
Pritshmëritë për Ukrainën janë rritur pasi katër liderë të BE-së, përfshirë Francën dhe Gjermaninë, të cilat ishin perceptuar si ndër më të vakëtat, vizituan Kievin javën e kaluar në shenjë mbështetjeje.
Zelensky paraqiti një kërkesë për t’u bashkuar me BE-në pesë ditë pas fillimit të sulmit të Rusisë.
Në një ditë kur u dëgjuan shpërthime në Kiev, ai bëri thirrje për “aderim të menjëhershëm sipas një procedure të re speciale”.
Ndërsa përgjigja fillestare nga rreth 10 shtete të BE-së ishte thellësisht skeptike, tani kundërshtimi ka rënë, por megjithëse pyetjet mbeten për rrugën e gjatë që Kievi ka përpara.
Ukraina ka kërkuar anëtarësimin në BE që nga “revolucioni portokalli” i vitit 2004 dhe më me këmbëngulje që nga protestat e Maidanit 2013-14, kur presidenti pro-Kremlinit, Viktor Janukoviç, u rrëzua pasi ai refuzoi të nënshkruante një marrëveshje asocimi me bllokun.
Dhënia e statusit të vendit kandidat për anëtarësim në BE do të ishte një vendim historik që i sinjalizon Rusisë se nuk mund të pretendojë më një sferë ndikimi mbi fqinjin e saj lindor, ka thënë ambasadori i Kievit në Bruksel.
Vsevolod Chentsov, kreu i misionit të Ukrainës në BE, tha se lufta e Rusisë kishte bashkuar Kievin me bllokun, duke i dhënë fund asaj që ai e quajti një “gabim” nëse vendi i tij mund t’i përkiste bashkimit.
Një sondazh i botuar këtë javë nga Këshilli Evropian për Marrëdhëniet me Jashtë, një grup studimi, tregoi se 57% e evropianëve mbështetën ofertën e anëtarësimit të Ukrainës.
Statusi i kandidatit në BE, i cili mund të jepet vetëm nëse vendet anëtare ekzistuese bien dakord unanimisht, është hapi i parë drejt anëtarësimit. Ai nuk ofron asnjë garanci sigurie apo të drejtë automatike për t’u bashkuar me bllokun.
Anëtarësimi i plotë i Ukrainës do të varet nëse vendi i shkatërruar nga lufta mund të plotësojë kushtet politike dhe ekonomike.
