Sali Berisha mga Lezha, ku po merr pjesë në festimet për 31-vjetorin e themelimit të degës së PD në këtë qark, ka hedhur një tjetër akuzë të fortë ndaj Lulzim Bashës dhe Edi Ramës.
Berisha tha se pas vrasjes së ndodhur në Bllok, qeveria ndërmorri aksionin e mbylljes së lojërave të fatit për Lulzim Bashën. Sipas tij bastet i kaluan një kompanie në Qipro, që është 80% në pronësi të gruas së kreut të PD.
“Pas masakrës në Bllok, Rama mori vendimin për mbylljen e basteve. Bastet ishin të Lul Bravës dhe ai dërgon të dërguarin e vet special, Dushanit në Prishtinë hajde me zgjidh çështjen. Rama ua ka dhënë dy personave dhe në 80% të kompanive në Qipro ishte Lul Brava me të shoqen.
E kuptoni se ku kemi qenë dhe me kë jemi drejtuar dhe këto i them për të gjithë ato që kanë investuar dhe kanë investimin e tyre dhe të largohen prej tyre pasi gjithçka i lidh me ne. Nuk mundet kurrë dhe nuk ka ndodhur kurrë ajo që ka ndodh me 8 janar. Ne kemi dalë më të fuqishëm se kurrë, ku doli si drita e diellit Rama që mbronte pengun e tij me gardistët”, ka thënë ai.
