Shumë demokratë kanë refuzuar zgjedhjet për kreun e PD. Komisioni i Rithemelimit mbajti sot zgjedhje për kreun e ri dhe tashmë ka nisur procesi i numërimit të votave.
Nga të dhënat e deritanishme rezulton se në Lezhë kanë votuar në qytet 1.188 demokratë. Berisha ka marrë 1057 vota, Ibsen Elezi 128 vota dhe 3 dolën të pavlefshme.
Por ajo që vihet re është se ka një braktisje nga demokratët në këtë qytet krahasuar me referendumin e 18 dhjetorit për shkarkimin e Bashës. Në atë kohë votuan 1.304 demokratë.
Një braktisje e lehtë ka ndodhur dhe në Gramsh. Më 18 dhjetor morën pjesë 382 votues. Nga numërimi sot rezulton se kanë marrë pjesë 372 dhe Berisha ka marrë 353 vota.
Në Dibër po ashtu u mbyll numërimi dhe mësohet se kanë votuar në total 754 votues nga të cilët Berisha ka marrë 664 vota. Ibsen Elezi ka marrë 84 vota ndërsa 6 vota rezultuan të pavlefshme.
