Politike27 Qershor 2022, 17:56

Berisha çan izolimin, pret në takim emigrantët nga SHBA dhe merr pjesë në një meshë të Urdhrit Sovran të Maltës

Shkruar nga Pamfleti
Berisha çan izolimin, pret në takim emigrantët nga SHBA dhe

Ish-kryeministri Sali Berisha duket se është katandisur keq. Pasi SHBA dhe Gjermania i kanë mbyllur dyert e bashkëpunimit, lideri i vetëshpallur i PD po intensifikohet fuqishëm për të vënë kontakte me ndërkombëtarët dhe duket se po ja del.

Amerikanët nuk e presin në takime dhe i kanë ndalur udhëtimet në SHBA, por Berisha ka vendosur t’i zëvendësojë ata duke pritur në takime emigrantët që vijnë nga përtej Atlantikut.

Të dashur miq, unë prita në një takim të veçantë personalitetin e shquar të diasporës tonë, bashkëthemeluesin e Ligës Qytetare Shqiptaro Amerikane me Joseph Dioguardin dhe veprimtarin e shquar te Shoqatës atdhetare Shqiptaro-Amerikane, Vatra. Në takim, unë i shpreha zotit Aliçkaj mirënjohjen time për kontributin e çmuar të tij dhe familjes se tij dhe të Lidhjes Qytetare  Shqiptaro-Amerikane dhe Vatrës në mbrojtjen e çështjes Kombëtare, çlirimin e Kosovës dhe demokracisë në Shqipëri”, shkruan ai.

Por nuk mbaron me kaq. Pas pritjes që i bënë në Azerbajxhan, Berisha duket se ka vendosur kontakte dhe me Maltën.

Me ftesë të Ambasadës së Urdhrit Sovran të Maltës në Shqipëri, sot pasdite mora pjesë në meshën e shenjtë në Katedralen e Shën Palit në Tiranë, të mbajtur me rastin e solemnitetit të Shën Gjon Pagëzuesit, Pajtor i Urdhrit Sovran të Maltës si dhe ceremonisë të marrjes së detyrës së Kapelanit të Nderit të Urdhrit të Maltës nga Shkëlqesia e Tij, Imzot Arjan Dodaj, Arqipeshkëv i Arqidioqezës së Tiranë-Durrës i cili e udhëhoqi meshën. Në përfundim të meshës e urova Shkëlqesinë e Tij, Imzot Arjan Dodën Arqipeshkëv i Arqidioqezës së Tiranës-Durrësit për marrjen e detyrës së Kapelanit të Nderit të Urdhrit të Maltës”, shkruan ai.

Politike Berisha Izolim Meshe