Politike28 Maj 2022, 21:39

Berisha dublon të gjitha organet e PD, më 3 qershor zgjedh "nënkryetarët" dhe "Sekretarin e Përgjithshëm"

Shkruar nga Pamfleti
Berisha dublon të gjitha organet e PD, më 3 qershor zgjedh

Ish-kryeministri Sali Berisha ka vendosur të dublojë të gjitha organet e Partisë Demokratike. Sot u ngrit një Kryesi paralele, por duket se e njëjta gjë do të ndodhë dhe me organet e tjera drejtuese.

Edi Paloka ka njoftuar se javën që vjen do të mblidhet Këshilli Kombëtar, që do të zgjedhë organet e tjera.

Njoftim për mbledhjen e Këshillit Kombëtar të Partisë Demokratike! Ditën e premte, më datë 3 qershor, ora 17.00, do të mblidhet Këshilli Kombëtar i PD. Në rend të ditës do të jenë zgjedhjet në disa funksione drejtuese të PD dhe ngritja e institucioneve të tjera sipas përcaktimit në Statutin e PD”, tha Paloka.

Edhe pse Paloka nuk e ka deklaruar, sipas statutit Këshilli vendos, me votim të fshehtë, për emërimin dhe shkarkimin nga detyra të Sekretarit të Përgjithshëm; Nënkryetarëve të Partisë; Anëtarëve të zgjedhur të Kryesisë së PDSH-së; Sekretarëve funksionalë; Kryetarit dhe anëtarëve të Komisionit të Apelimit, Integritetit dhe Etikës; Kryetarit dhe anëtarëve të Komisionit Zgjedhor, si dhe Kryetarit dhe anëtarëve të Bordit Financiar të Partisë.

Pra në mbledhjen se 3 qershorit do zgjidhen nënkryetarët dhe Sekretari i Përgjithshëm.

Politike Berisha PD zgjedhje