Kryeministri Edi Rama ka zhvilluar një takim misterioz këtë të shtunë.
Ai ka pasur një bisedë me Changpeng Zhao, CEO i Binance, kompania me shkëmbimin më të madh të kriptovalutave në botë. Lajmin e ka bërë me dije vetë Changpeng Zhao në një postim në rrjetet sociale.
“U takova me Kryeministrin e Shqipërisë, Shkëlqesinë e Tij Edi Rama në këtë të shtunë të bukur. Shtytja e adoptimit të kriptove nuk ndalet kurrë”, shprehet ai.
Vetë Rama nuk ka folur mbi takimin, ndërkohë që ngrihen shumë pikëpyetje. Tregu i kriptovalutave te ne nuk është ligjëruar. Çfarë po gatuan atëherë kryeministri? Ndërkohë, dje ish-kryeministri Sali Berisha e akuzoi se është i përfshirë në mafien e Bitcoin.
“Këtu para jush kam denoncuar operacionin, vjedhjen e tmerrshme me Bitcoin. Këtu kanë zbarkuar policitë e vendeve evropiane, sepse rrjeti i Call-Centerave të biznesmenit të pushtetit, Amant Josifi, që ka mbulimin e plotë të Olsi Ramës, u ka vjedhur investitorëve, qytetrarëve europianë, 2.2 miliardë euro. Duke i joshur, duke i mashtruar. Blini Bitcoin dhe vendosini në këtë aplikacion se kompania jonë do ua vlerësojë 20 përqind më shumë. Dhe ky Bitcoin kalon në kuletat e hajdutëve shqiptarë. Ose depozitohet në Emirate”, tha Berisha një ditë më parë.
Met with Prime Minister of Albania His Excellency
Edi Rama on this fine Saturday. Pushing crypto adoption never stops. pic.twitter.com/tabwbYCLRT— CZ 🔶 Binance (@cz_binance) November 26, 2022
