Ish-kryeministri Sali Berisha ka folur për herë të parë për vizitën e ish-Sekretarit të Shtetit Mike Pompeo.
Ky i fundit refuzoi një takim me të dhe e gjithë “foltorja” u alarmua. Berisha nxori Evi Kokalarin dhe deputetët për ta sulmuar. Sot në Berat ai ka folur për injorimin që ju bë nga Pompeo.
Sali Berisha: Patëm një vizitë të Sekretarit Mike Pompeo. Kam ndjerë trishtim të madh jo se nuk u takova, se unë nuk kisha pse të takohesha. Por kush e ftoi në konferencën e 100-vjetorit? E ftoi Taulant Begoja, i cili me gjithë dokumente është 56 herë bashkëudhëtar me Edmond Begon, i dunar për trafik droge.
Ish-Sekretarin e Shtetit mund ta ftonte Ministria e Jashtme, universiteti, mund ta organizonte Akademia Diplomatike, Këshilli i Ambasadorëve, por ta organizojë Balla më kujtoi Tahirin në Shtëpinë e Bardhë.
Unë s’kam kërkuar kurrë takim me të. U bënë copash që të merrnin një deklaratë për Berishën por e patë vetë.