Politike27 Nëntor 2022, 12:13

Berisha jashtë parlamentit: Rama, avokati i Vuçiç, i ngul ‘thikë pas shpine’ Kosovës

Shkruar nga Pamfleti
Berisha jashtë parlamentit: Rama, avokati i Vuçiç, i ngul

Berisha jashtë parlamentit: Rama, avokati i Vuçiç, in gul ‘thikë pas shpine’ Kosovës

Kreu i PD Sali Berisha, në një prononcim për mediat jashtë Kuvendit, uroi 110-vjetorin e pavarësisë në të njëjtën kohë, kur në foltoren e parlamentit mori fjalën kryeministri Rama, të cilin Berisha e cilësoi si një antishqiptar që Kosovës i ka ‘ngulur thikën pas shpine’, ndërsa deputetët e PD dhe mbështetës të Berishës, kanë braktisur sallën e parlamentit ku po mbahej mbledhja e përbashkët e dy Kuvendeve, kur kryeministri Edi Rama ka marrë fjalën:

Sali Berisha: “U uroj shqiptarëve gëzuar përvjetorin e pavarësisë, përulem me nderim para Ismail Qemalit, Ibrahim Rugovës dhe burrave që bënë sot të jemi të pavarur. Asnjë komb nuk ka sakrifikuar për liri më shumë se ne shqiptarët. Nën udhëheqësit e komandantit Adem Jashari, shqiptarët bënë luftën e fundit në Europë.

Sot nuk mund të mos ndalem se aktualisht në platformën  tij Parlamenti, po flet një nga 2 armiqtë kryesorë të Kosovës: njeriu i cili është tashmë i njohur botërisht si avokati më i shpifur i padronit të tij Aleksandër Vuçiç. Njeriu i cili në vend të bëjë avokatinë e Kosovës, kalon nga samiti në samit duke lobuar për Vuçiçin dhe Rusinë e vogël në zemër të Ballkanit. Në  mënyrë të përsëritur ka futur thika pas shpine për Kosovës. Anti shqiptar i rrezikshëm për kombin. Rama nuk është vetëm vasal i neveritshëm i serbomadhit Vuçiç, njeriu që po shkatërron materien, qenien, identitetin e shqiptarëve me politikat e tij”, tha Berisha.

Politike #Edi Rama avokat i Vuçiç Sali Berisha