Berisha ka mbledhur Kryesinë e PD, ku do të bëhet miratimi i kandidatëve finalë. Por Kryesia po shqyrton emrat vetëm për 26 bashki nga 61 që kemi në total…
Ish-kryeministri Sali Berisha ka pranuar blofin me procesin e “Primareve”. Të premten që shkoi u mbyll afati i kandidimeve dhe në një pjesë të madhe të bashkive nuk ka pasur interes. “Pamfleti” nxori një ditë më parë listën me zonat ku ka kandidatë, por sot edhe “Foltorja” e ka pranuar se procesi nuk ka ecur aq vaj sa duket.
Berisha ka mbledhur Kryesinë e PD, ku u shqyrtuan dhe u miratuan kandidatët për 26 bashki. Ishte Albana Vokshi që e deklaroi diçka të tillë. Ajo u mundua të justifikohej se dokumentacioni nga degët e tjera nuk ka ardhur dhe për këtë arsye duhet të shqyrtohen emrat vetëm në 26 njësi. Por arsyeja është e qartë se nuk ka interes.
“Ka pasur propozime nga degët, por jo të gjitha propozimet kanë ardhur pasi pati dhe nga ata që nuk e kanë pranuar propozimin. Ne sot kemi vetëm 26 degë që mund t’i shqyrtojmë dhe mbledhja të vijojë për nesër ose në vazhdim të për të përmbyllur procesin e shpalljes së kandidaturave”, tha ajo.
Por Vokshi ka konfirmuar atë që është thënë deri më tani. Së pari në një pjesë të madhe të bashkive nuk ka pasur kandidime individuale. Së dyti, vetë degët kanë propozuar emra kandidatësh, ku disa nuk e dinë që janë propozuar. Për këtë arsye shumë emra janë tërhequr nga gara duke mos pranuar.
Ndërkohë në shumë degë do kemi garë me vetëm një kandidat, duke hedhur poshtë të gjithë qëllimin e “Primareve”. Pra duket se “Primaret” e Berishës janë kthyer si tenderat e Ramës, ku shumica janë me një kompani. Po ashtu dhe në ato tendera ku ka garë, futen kompani sa për emër se dihet fituesi.
Edhe me “Primaret” ndodhi e njëjta gjë. Në Elbasan, në Shkodër dhe disa zona të tjera kemi vetëm një kandidat. Ndërkohë dhe në bashkitë ku ka disa kandidatë dihet fituesi. Pra sot mund të themi se Berishës i kanë dështuar zyrtarisht “Primaret”, pasi në 35 bashki nuk kemi kandidatë.
Lista e kandidatëve
Elbasan – Luciano Boçi
Tiranë– Adriana Kalaja, Belind Këlliçi, Enkelejda Fejzo,Fatmir Merkorcci, Gerti Bogdani, Ilir Alimehmeti, Julian Deda
Shkodër– Bardh Spahija
Durrës- Armand Dervshi, Fatjon Kost,a Igli Cara
Librazhd– Agron Mekshi, Arjanit Leka, Mereme Zeneli, Shaqir Kuka, Shefki Çota, Ndriçim Lila
Përrenjas– Mehdi Leka, Suzana Topi
Gramsh– Hasim Çekrezi, Kodhel Çala
Peqin- Albert Kurti, Mustafa Pashja
Belsh– Bedri Qypi, Dritan Cani
Berat– Kejdi Spahiu, Sazan Guri, Zija Ismail
Lushnje– Eduart Sharka, Erion Kerçuku, Eurion Iliazi
Patos- Ardian Rama, Gazment Halimi, Sofie Alushaj
Mallakaster– Neim Begaj, Resmi Shanaj
Roskovec- Dhurata Malka, Nazar Plaka, Erdit Hazizaj
Divjakë- Aurel Malko, Gjergj Janko
Korçë- Entela Dvorani, Gjergji Gjata, Ledina Alolli
Maliq- Alfred Beberi, Alfred Gega
Kukës- Atmir Sinamati
Tropojë– Besnik Dushaj, Feride Rahmanaj, Mimoza Hardajmataj, Xheme Nezaj, Jordan Memia
Has- Bledar Lushi, Miftar Dauti, Nazlie Laçi
Vlorë– Alta Haluci, Hysmni Sharra, Luman Kapaj Nada Daullja
Selenicë– Bejto Alliaj, Dhurata Meçorapaj, Leonard Rakipaj, Jani Dapaj Klajdi Runaj, Sezai Balilaj
Delvinë- Bati Çuçuri, Hasan Alizoti IIir Mehmeti
Sarandë- Ardit Cikuli, Armand Magllara, Robert Haxhi, Spiro Vaso,Ilir Nikollo
Konispol- Aleksandër Loloshi, Fatmir Shero
Shijak– Agim Rameta, Fatbardh Gjata, Arstrit Hoxha, Ilner Vora
/Pamfleti
