Shkruar nga Pamfleti
Bordi i Transparencës ka rritur sërish çmimin e naftës, ndërsa është ulur lehtë i benzinës. Më 8 korrik u vendos që nafta të tregtohet me 235 lekë/litër; benzina 227 lekë/litri, ndërsa gazi i lëngshëm 81 lekë/litri.
Por sot çmimet kanë ndryshuar. Nafta do të shitet me 240 lekë për litër. Benzina me 221 lekë/litri. Ndërkohë gazi nuk ndryshon, pasi do jetë 81 lekë/ litër.
Njoftimi i Bordit të Transparencës
Bordi i Transparencës në datë 14 Korrik 2022, në mbledhjen e radhës vendosi:
Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 240 lekë/litri, ndërsa i shitjes me shumicë jo më shumë se 228 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 221 lekë/litri, ndërsa i shitjes me shumicë jo më shumë se 209 lekë/litër.
Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.
Çmimet e caktuara nga Bordi do të hynë në fuqi sot datë 14 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Jemi në monitorim të vazhdueshëm të ecurisë së bursave, me qëllim reagimin sa më të shpejtë.
