Ish kryeministri Sali Berisha ka deklaruar sot për mediat se Amant Josifi, bosi i ‘Call Center-ave’ që se është shpallur në kërkim nga Spanja, ndodhet në Dubai.
Sipas tij, ish këshilltari i Olta Xhakës, ka qenë mbulesë e ministres në të gjitha skemat mafioze që kanë bërë sëbashku.
“Josifi i mbuluar nga Xhaçka, po po se ka qënë këshilltari i saj, në të gjitha mafizitetet e tij ka pasur Natasha Xhaçkën, mamin e ministres, Amanti është një pion, në mafian e rrezikshme shqiptare. Truri është Olsi Rama, bashkëshorti i Xhaçkës dhe jo më pak Pranvera Strakosha. Natasha dhe Pranvera, që ta dini ju kanë qënë në ndjekje penale për adaptime, mafie e adaptimit të fëmijëve. Strumbullar është Qeveria në këtë aferë, është hera e 4-të që e denondoj unë. Ku është Amanti? E njoftuan dhe ia mbathi, më thonë ka shkuar në Dubai. Nga aplikacioni, pa i thënë gjë, e fusnin në kuletën e tij, i kthenin në euro, dollarë, lek për të ndërtuar Dubain e Ramës.
Dubain e kanë parajsë. Po dhe aty FBI ka bërë operacione sensitive. Të kuptojnë shqiptarët se gjithçka në këtë qeveri është mafioze.”, tha Berisha.
Autoritetet spanjolle kanë lëshuar një urdhër-arrest për kokën e mashtrimit me call-centera në Shqipëri, Amant Josifin, ish-këshilltar i Olta Xhaçkës, kur ishte ministre e Mbrojtjes. Mediat spanjolle shkruajnë se Josifi ka lidhje të nivelit të lartë me qeverinë shqiptare. Ky zbulim është bërë pas aksionit që u iniciua nga policia spanjolle dhe që çoi në kontrolle dhe arrestime në Shqipëri.
