Zëvendës kryeministri Erion Braçe ka denoncuar sërish të njëjtin rast të zaptimit të zonave publike në kryeqytet, që denonconte dy muaj më parë, nga investitorët të cilët kanë marrë lejet e ndërtimit dhe i përdorin ato në mënyrë të jashtëligjshme dhe në disfavor të qytetarëve të Tiranës.
Zv/kryeministri Erion Braçe ka postuar në rrjetet sociale një video të regjistruar nga shtëpia e tij, ku radhë të gjata makinash janë krijuar për shkak të bllokimit të njërës korsi të rrugës.
Braçe shkruan përkrah videos se vendi ku ndodhet kjo ‘derexhe’ është rruga e re që të nxjerr nga pastiçeri Venezia në rrugën e Elbasanit, ndërkohë akuzon një kompani ka shkërmoqur sipas tij një rrugë të inaguruar 4 muaj më parë për të ndërtuar një pallat.
“Shiheni; KJO ESHTE DEREXHEJA NE RRUGEN E RE QE TE NXJERR NGA PASTICERI VENEZIA NE RRUGEN E ELBASANIT! Perse? SEPSE KOMPANIA QE PO NDERTON PALLAT, PASI MORI TROTUARIN, TANI MORI DHE 40% TE RRUGES; E KA SHQYER RRUGEN E RE QE U INAGURUA VEC 4 MUAJ ME PARE! Ky eshte ai rasti tipik kur interesi privat, shkermoq teresisht interesin publik, e zeron fare sic ketu!” – shkruan Braçe në Instagramin e tij.
Një një ndjekës i ka kujtuar Braçes detyrën që ka ndërsa ky I fundit I është përgjigjur se nuk ka pushtet tek bashkia duke thumbuar ashpër dhe hapur Erion Veliajn.
Komentuesi: Cte shikojme more zoteri, ti je shtet e nderhyj cben publikime shiheni kot
Braçe: une? Skam pushtet tek bashkia zotni.
Postimi i zv. kryeministrit Erion Braçe: