Surpiza e javës së 13 në Premier Ligë mund të quhet pa diskutim Brajtoni. Vendasit e triumfuan me “poker” 4-1 kundër Çelsit.
Skuadra e drejtuar nga De Zerbi kaloi në avantazh që në minutën e 5 me Trosard. Blutë e Londrës u ndëshkuan edhe nga lojtarët e vetë, teksa Loftus Çik dhe Shalobah shkaktuan 2 autogola, duke e çuar rezultatin në 3-0.
Çelsi u zgjua në pjesën e dytë me Havertz, por përmbysja e madhe nuk ndodhi në “Amex Stadium”.Në minutat e fundit të ndeshjes, Brentfordi realizoi edhe golin e 4 me Gros. Ekipi i Graham Poter merr rezultatin e 3 negativ radhazi, pas dy barazimeve me Mançester Junajtid dhe Brentford.
Sulmuesi shqiptar Armando Broja u aktivizua vetëm në 10 minutat e fundit, pasi mori vendin e amerikanit Pulisiç.
Fitore e çmendur me përmbysje për Totenhemin e Antonio Kontes. “Spërsat” fituan 3-2 në fushën e Burnmuthit, pasi e panë veten në disavantazh 2-0 deri në minutën e 57. Heroi i takimit ishte Bentankur me golin e fitores në minutën e 92.