Aktualitet28 Nëntor 2022, 19:07

Brazilit i mjafton 1 gol për të siguruar kualifikimin, Zvicra shpreson tek përballja me Serbinë

Shkruar nga Pamfleti

Brazilit i mjafton një gol për të mundur Zvicrën dhe për të prerë biletën e kualifikimit për në fazën tjetër të Botërorit të Katarit.

Pjesa e parë u mbyll në barazim me një 45’ minutësh tepër të balancuar me të dyja skuadrat që kërkuan golin por pa sukses.

Si Brazili ashtu dhe Zvicra organizuan disa aksione të bukura, por që nuk arritën të konkretizoheshin në vijën e sulmit, duke mbyllur kështu pjesën e parë me rrjeta të paprekura.

Pjesa e dytë nisi më me vrull për Brazilianët të cilët e kërkuan më shumë golin e avantazhit, madje e shënuan një në minutën e 64’ me anë të “Vinicius,” por që më pas u anulua për pozicion jashtë loje gjatë ndërtimit të aksionit.

Brazili nisi të ushtroi presion sërish, deri sa në minutën e 83’ gjetën golin e avantazhit me anë të “Casemiros”, goditja e të cilit mori një devijim që e dërgoi topin në cep të portës, aty ku portieri nuk mund të bënte asgjë, duke vulosur shifrat përfundimtare 1-0.

Nga shqiptarët që luajnë me Zvicrën vetëm Xhaka u aktivizua që nga minuta e parë, në këtë ndeshje përballë Brazilit, ndërsa Xherdan Shaqiri u la në stol.

Me këtë fitore Brazili merr kreun e grupit G me 6 pikë dhe bëhet skuadra e dytë e këtij botërori që kualifikohet për fazën tjetër të Botërorit pas Francës.

Zvicra nga ana tjetër me këtë humbje mbetet në kuotën e 3 pikëve në vendin e dytë dhe shpresat e kualifikimit i mbeten tek sfida e fundit të cilën e ka përballë Serbisë. Ndërsa Brazili i kualifikuar tashmë ndeshjen e fundit e ka përballë Kamerunit.

Pas përfundimit të ndeshjeve të dyta situata në grupin G paraqitet e tillë:

-1. Brazili – 6 pikë

-2. Zvicra – 3 pikë

-3. Kameruni 1 – pikë

-4. Serbia 1 – pikë


smile

Kryesore Brazili Zvicër

Aktualitet

·

27 Nëntor 2022, 06:1106:11Aktualitet

·

26 Nëntor 2022, 18:1118:11Aktualitet

·

27 Nëntor 2022, 06:1106:11Aktualitet