Kryetarja e LSI Monika Kryemadhi ka reaguar mbi shkrimin e një gazete austriake sot, e cila hidhte dyshime të forta mbi lobimet e Ilir Metës në SHBA dhe operacionet plastike të zonjës së parë.
Kryemadhi ka folur në “Syri Tv”, ku është shprehur se nuk ka bërë asnjë ndërhyrje estetike. Edhe pse ka ndryshuar 180 gradë me ata që ka qenë shumë vite më parë, Kryemadhi ka thënë se është shumë e re për të bërë operacione.
“Akuzohem për bukurinë që më ka dhënë nëna ime. Jam shumë e indinjuar që akoma nuk kam bërë asnjë operacion plastik, për këtë më vjen keq.
Jam akoma shumë e re, dua edhe njëçik kohë. Nuk kam abuzuar as me drogë as me alkoolin.
Acidi hialuronik dhe botoksi nuk janë operacione plastike. Operacionet plastike janë kur tërheq gjoksin apo fytyrën, ata që e kanë shkruar shkrimin e dinë shumë mirë se e kanë bërë vetë, mos të them edhe doktorin ku e kanë bërë.
Monika Kryemadhi ka edhe 20 vite për të shkuar tek ai proces. Edhe gjenetikisht jam shumë në formë. Ata e dinë shumë mirë që ndërhyrjen kirurgjikale për arsye shëndetësore i kam të deklaruara në ILDKPI dhe me faturat spitalore”, tha Kryemadhi.
