Anti-Mafia22 Mars 2018, 12:29

Buzhalë, përgjigju pyetjes: ku i more paratë? Lëri “shakatë me gjysma tullash”

Shkruar nga Pamfleti

Gabimi që bëjnë çiftet gjatë marrëdhënies intime, ja çfarë nuk dini për kondomët dhe lubrifikantët

Berat Buzhala, që prej shkrimit të Pamfletit- për dyshimet mbi fondet me të cilat u investua televizioni i tij në Prishtinë, nuk është më i qetë.

Nuk rri as një moment dhe çdo 4 orë publikon “shaka laçjane me gjysma tulle” për ta kthyer në grotesk një akuzë, e cila i është bërë hapur, e bardha në të zezë.

Akuza në fjalë kërkon thjesht transparencë: Sa kushtuan studiot luksoze të televizionit që Buzhala po thotë se është i tij? Nga erdhën këto para?

A është i lineuar politikisht Buzhala në ndonjë grupim politik apo qark lobimi?

Janë pyetjet më normale në botë. Por Buzhala, që me emrin e televizionit kërkon të imitojë Enrico Mentana-s së La Sette-s italiane (hapu dhé: Buzhala si Mentana…nejse) po merret me sulmin ndaj drejtuesit të Pamfletit, gazetarit Gjergj Zefi.

Statuset e tij kanë englendisur rrjetin për shqipen e tij  nivel-komunalje që nuk e flasin as kthinat më të ulëta ku flitet gjuha jonë amëtare, por në thelb Berati, i cili që sa ka hyrë në gazetari i ka shërbyer një padroni, nuk i përgjigjet pyetjes bazike? Show us the money!

Ku i more Berat, lëri përpjekjet për të bërë me qesh lexuesit se ajo ka ndodhur në fillim kur të kanë parë si kallëp se çfarë “xhevahiresh” nxjerr nga goja.

Tani të gjithë qajnë se në çfarë niveli janë ata që kanë në dorë ndikimin në opinionin publik.

Në tregun e Kosovës të gjithë e dinë se nga vijnë të ardhurat e mediave atje.

Berati që e ka nis punën në gazetën “Zëri” e di që në fillim ishte një media e Blerim Shalës, i cili ja shiti më pas një sipërmarrësi, Remzi Ejupit.

Koha Ditore ka qenë dhe është një media e familjes Surroi.

Kosova Sot, është pjesë e bizneseve të Ruzhdi Kadriut dhe vajzës së tij Margaritës.

Dukagjini është një kënd i perandorisë ekonomike të manjatit të Kosovës, Ekrem Lluka.

Epokën e Re e ka i mirënjohuri Muhamet Mavraj etj etj.

Po Ekspress-in që themeloi Buzhala mu atëherë kur u bë si njeriu bojë i Hashim Thaçit, kush e ka?

Ka mbi 10 vjet që kësaj pyetje Buzhala nuk i është përgjigjur.

Jo se nuk i zë gjumi njerëzit për tu marrë me Beratin që Baton Haxhiu kur e përdorte si zar i dha njëherë certefikatën e “Gazetarit më të keq të Kosovës”, por publiku kërkon të dijë për paratë që politika dhe krimi përdor në opinion.

Berat Buzhala është i vetmi shqiptar që kur Nikolla Gruevski tentoi të vrasë Zijadin Selën e Strugës, i kërkonte Ali Ahmetit të bëjë koalicion me antishqiptarin më të frikshëm në Maqedoni.

Berat Buzhala, bashkë me një buzhalë të vogël të  Tiranës që qarkullon paratë e krimit këtu nga pronat tek media, u takuan dhe u fotografuan nga BND-ja gjermane në hotelin Mariot të Shkupit njeriun besnik të Nikolla Gruevskit, pikërisht kur u dhanë paratë ruse që kanë vërshuar në Ballkan prej vitesh.

Mediat i shkruan këto fakte, por Berati nuk i sqaroi.

Berati takohej fshehtasi me Ilir Metën pikërisht kur organizonte sulme të egra në Tiranë ndaj Edi Ramës dhe nuk jepte asnjë shpjegim.

E kanë akuzuar se merr paratë që shpërndan në Ballkan komandanti i QUDS Brigada, gjenerali Qazim Sulejmani, apo njeriu i listës së zezë i Uashingtonit. Por sërish nuk jep përgjigje.

Por ka kurajon edhe të merret ekuilibrin fenomenal etar që ekziston mes shqiptarëve, duke ironizuar besimin katolik të Gjergj Zefit.

Në fakt këtë e bën mirë Buzhala, tentimin për të përçarë pasi e ka bërë gjithmonë, merr para nga Irani për të përçarë muslimanët, merr para nga rusët për të përçarë shqiptarët.

Por duke e ditur se nuk gjen fare mbështetje, e merr me një dozë humori.

Siç thonë në Prishtinë: Kuuuu, lopa ban bagla e jo hajgare.

E Berati bagla din me ba e ban gjithë ditën, E ka kot që don me imitu Cimen e Drenicës, ai është original e virtuoz, e Berati veçse një karikaturë…/Pamfleti.com


Për të rejat më të fundit behuni pjesë e grupit tonë VIRAL në facebook : PAMFLETI

Plugu Buzhalë ku i more paratë? Lëri “shakatë me gjysma tullash” përgjigju pyetjes