Çamëria është peshore që saktësisht e matë mbëmendjen e shqiptarisë për vetveten, Çamëria është regjistër i varreve që mbetën në barkun e saj, e të cilët dekada me radhë i mbulon kullosa e s’ka kush t’i lotojë
Shkruan Kim Mehmeti
Çamëria nuk është vetëm një nga shumë copëzat e tokës shqiptare që i grabitën të huajt, por ajo është kujtesa e shqiptarisë për trupin e saj të plagosur e ende të pashëruar.
Çamëria është peshore që saktësisht e matë mbëmendjen e shqiptarisë për vetveten, Çamëria është regjistër i varreve që mbetën në barkun e saj, e të cilët dekada me radhë i mbulon kullosa e s’ka kush t’i lotojë.
Unë që nga rinia çam jam. Edhe atë jo pse çamët kishin nevojë për mua, as për t’u stolisur me patriotizëm të marr falas nga tragjedia e një pjese të popullit tim, por pse besoja dhe besoj se duke qenë çam, më hije më ka shqiptaria dhe se ashtu për as një çast nuk do mund të harroj cili jam dhe cilët jan plagët e popullit tim, e që duhet të shërohen.”
