I ftuari i kësaj jave në emisionin e Merion Mjekiqit, “Gjoni Black” ishte i ftuar reperi Capital T.
Ai iu përgjigj pyetjeve të bëra në lidhje me karrierën e tij dhe raportet me kolegët.
Gjatë intervistës nuk mbeti pa u përmendur as Eni Koçi, të cilën këngëtari gjatë emisionit të Luanës e ka qëlluar me “plumb”, si përgjigje të pyetjes “Cili mendon se ka qenë bashkëpunimi yt më i keq.”
Capital T sqaron njëherë e mirë se nuk ka asgjë personale me Enin dhe e gjitha ka qenë një lojë. Gjithashtu ai nuk le pa përmendur as partnerin e Enit, këngëtarin Genc Prelvukaj për të cilin thotë se ka respekt.
“Aty ka qenë lojë dhe unë jam shumë kompetitiv. E marr shumë seriozisht diçka dhe arsyeja ka qenë që unë kam dashur të marr pikë me çdo goditje. Me Eni Koçin nuk kam asgjë personale. Kam pas një bashkëpunim, kemi pas marrëdhënie shumë të mira dhe qëndrojnë ato raporte, pavarësisht se nuk kemi kontakte si kemi pas atëherë.
Edhe për Gencin, që është një prej reperave të hip hop-it unë kam respekt. S’ka pas asgjë personale, thjesht ka qenë lojë. Kështu që edhe industria, edhe artistët duhet me e kuptu kur diçka është veç lojë. Nëse unë kam diçka, ndoshta jam i vetmi që e kisha thënë direkt.”- sqaroi Kapo.
