Të gjithë studiuesit e botës, madje edhe ata më të guximshmit, nuk marrin përsipër as të diskutojnë në lidhje me parashikueshmërinë e një tërmeti. Për shkak të kushteve të shumta, kombinimit të fenomeneve të pafundme natyrore, është plotësisht e pamundur të merret përsipër të thuhet nëse do ketë një termet dhe aq më tepër se kur e sa i fortë do të jetë, gjithmonë duke iu referuar shkencës. Por për çudi presidenti Ilir Meta, a si shkak i vetive të tij parashikuese apo se realisht di diçka, u prononcua 2 muaj më parë në një konferencë te posaçme për shtyp enkas për këtë punë, duke paralajmëruar një termet apokaliptik, sipas tij, si rrjedhojë e këshillimeve që kishte patur edhe me sismiologun e njohur grek Akis Tselentis.
Për çudinë e të gjithëve asokohe, duke ditur që termetet nuk parashikohen, por edhe për faktin që vetë sismiologu grek Tselentis përgënjeshtroi në mënyrë kategorike jo ta ketë thënë këtë gjë, por as ta ketë kontaktuar ndonjëherë në jetën e tij Ilir Metën, çështja kaloi si në heshtje.
Si duket një lajm i tillë i kobshëm, u pranua më lehtësisht si lajthitje e Presidentit se sa si një paralajmërim real. Por fati do që në 21 shtator, një tërmet i fortë, i pasuar nga disa më të lehtë godet Shqipërinë, me epiqendër pikërisht në det dhe nga një pozicion që në Tiranë të ndjehet mirë tundje- shkundja.
Kryeministri Edi Rama po nisej për në Amerikë, dhe kjo koinçidencë bën që ai të ndërrojë udhë. Ilir Meta vrapon në Durrës, aty afër epiqendrës dhe me stoicizmin që e karakterizon bën deklaratën tjetër shokuese: -“duhet të tregohemi vigjilentë sepse bëjmë pjesë në një rajon problematik”.
Siç e thamë edhe me lart tërmetet nuk parashikohen dhe këtu vigjilenca nuk hyn fare, mund të thuash të jemi të kujdesshëm, të përgatitur, por fjala vigjilent s’ka asnjë lidhje me rastin.
Nëse diskutojmë për rajon problematik, ne jemi supër problematik, por jo për tërmete. Shqipëria bën pjesë në rajonin e Ballknit që nuk trajtohet si rajon me aktivitet sismik të lartë. Ne si shtet ndodhemi përballë Italisë dhe mund të jemi më të ekspozuar, por s’bëjmë pjesë në një rajon me Italinë. Pra shprehja e Ilir Metës, të jemi vigjilentë se bëjmë pjesë në një rajon problematik a është thjeshtë një lapsus apo paralajmërimi vazhdon?! Edhe pse mund të ngjajë fantazi, termetet artificiale ekzistojnë dhe janë plotësisht të mundur të realizohen, jo nga individë apo organizata, por për llogari të fuqive të mëdha dhe për qëllime të mirëpërcaktuara gjeo-politiko-ekonomike.
Këto tërmete nga informacionet e klasifikuara serioze në rrjet, realizohen kryesisht në ujë dhe kanë një target të caktuar.
Tani të jetë tërmeti i djeshëm produkt i fatit dhe Meta të jetë fallhedhësi më i mirë në rajon apo të jetë hedh falli njëherë dhe pastaj të jetë përcaktuar fati.
Këtë edhe vetë sismiologu i njohur grek Akis Tselentis, me emrin e të cilit spekulloi Ilir Meta në korrik kur paralajmëroi këtë dramë, sot u shpreh në llogarinë e tij në Facebook: Ilir Meta, no comment!/Pamfleti
