Çmimet maksimale të lejuara për derivatet në Kosovë kanë ndryshuar edhe për ditën e mërkurë.
Ministria e Industrisë, Ndërmarrësisë dhhe Tregtisë (MINT) ka njoftuar se çmimet e derivateve kanë pësuar ndryshime në krahasim me ato të para një dite.
Sipas njoftimit të MINT-it, dallimi vërehet te çmimi i naftës, i cili të mërkurën është 1.68 euro, derisa të martën ka qenë 1,69 euro.
Ndërkaq, çmimet e benzinës dhe gazit nuk kanë ndryshuar në krahasim me një ditë më parë. Të mërkurën çmimi i benzinës është 1.35 euro dhe i gazit 0.76 euro.
Çmimet janë të vlefshme për 24 orë.