Kryeministrja e zgjedhur në Suedi, Magdalena Andersson dha dorëheqje disa orë pasi morri postin nga Parlamenti, sepse buxheti i saj dështoi të kalojë dhe Partia e të Gjelbërve e la koalicionin qeveritar.
“Është një praktikë kushtetuese që një qeveri me koalicion duhet të japë dorëheqje kur njëra parti heq dorë”, tha Andersson.
Ajo shtoi se nuk dëshiron të udhëheqë “një qeveri, legjitimiteti i të cilës do të vihet në pikëpyetje”.
Andersson tha se shpreson që do të zgjidhet në këtë pozitë sërish së shpejti, si udhëheqëse e një qeverie të pakicës me në krye Social Demokratët
Andersson u bë gruaja e parë e zgjedhur në pozitën e kryeministres në Suedi, pasi arriti një marrëveshje në momentin e fundit për të rritur pensionet në këmbim të mbështetjes në votimin e së mërkurës.
Por Partia e vogël e Qendrës më vonë tërhoqi mbështetjen e saj për buxhetin e Andersson, për shkak të marrëveshjeve të arritura me të majtët, duke lënë buxhetin e saj me vota të pamjaftueshme në Parlament.
Kryetari i Parlamentit, Andreas Norlen tha se ka pranuar dorëheqjen e Andersonit dhe do të kontaktojë udhëheqësit e partive para se të vendosin ditën e nesërme, se si do të vazhdojnë.
