Bota10 Shkurt 2019, 11:58

Daçiç si “gomari kur e ha ujku”: Asnjë nga shtetet përkrahese të Kosovës nuk bëri thirrje për njohjen e pava

Shkruar nga Pamfleti
Daçiç si “gomari kur e ha ujku”: Asnjë nga

Daçiç si "gomari kur e ha ujku": Asnjë nga shtetet përkrahese të Kosovës nuk bëri thirrje për njohjen e pavarësisë

Mbledhjen e fundit të Këshillit të Sigurimit të OKB-së, ku u diskutua për Kosovën, Serbia e konsideron  një fitore të madhe.

Madje, ministri i Jashtëm serb Ivica Daçiç, ka thënë se Kosova pësoi humbje në këtë mbledhje në një pronocim  për televizionin shtetëror.

“Për dy vitet e ardhshme, Kosova do të jetë temë diskutimi në OKB. Në mbledhjen e fundit të gjithë ishin njëzëri kundër taksës dhe formimit të Ushtrisë. Për Vlora Çitakun ishte surprizë e madhe kur dëgjuan se përfaqësuesit e SHBA-ve kërkojnë heqjen e menjëhershme të taksës”, ka thënë Daçiç.

Daçiç vazhdon më tej me pretendimet e tij duke thënë se për herë të parë në një mbledhje të Këshillit të Sigurimit, asnjëra nga shtetet përkrahese të Kosovës nuk bëri thirrje tek vendet e tjera për njohjen e pavarësisë. Ai foli edhe për mundësinë e vazhdimit të dialogut, në qoftë se qeveria e Kosovës nuk vendos për heqjen e taksës, për të cilën çështje tha se nuk ka gjasa të ndodhë.

Presionet do të vazhdojnë, sepse Kosova nuk ka më çfarë të bëjë. Serbia nuk do ta vazhdojë dialogun pa heqjen e taksës, kjo nuk është një kusht, është logjikë”, ka shtuar ai.

Prej disa kohësh dialogu mes Kosovës dhe Serbisë është një fazë ngecjeje pas taksës së vendosur nga Qeveria e Kosovës për mallrat që vijnë nga Serbia.

Rajoni Daçiç Kosova