Baza e hetimeve amerikane për familjen presidenciale, nuk janë milionat e harxhuara prej Monikës për të rinovuar fytyrën e pjesët trupore dhe as për unazat në stomakun e Ilirit, por pasuritë dhe miliardat e fshehura në parajsat fiskale e bankat offshore, të siguruara me korrupsion, vjedhje, trafiqe, kontrabandë e biznese ilegale; një pjesë prej të cilave, siç deklaroi Nuredin Dumani, i ka përdorur për të eliminuar rivalët dhe denoncuesit e krimeve të tij…
Të paktën, Belind Këlliçi u kthye nga vizita në SHBA, me 1 fotografi krahë ish-kongresmenit republikan të Floridas, ndërsa Presidenti Ilir Meta, sipas zyrës së shtypit u nis me bujë të madhe, për takime të nivelit të lartë politik e shtetëror në Senat, Kongres e DASH, por u kthye nga SHBA pa asnjë fotografi, sepse nuk e pranoi askush në takim as me lobim financiar.
Shpërfillja lidhet me faktin, se DASH e ka skeduar Ilir Metën si “koka” e korrupsionit dhe personazh kryesor i botës së krimit të organizuar në Shqipëri e Rajon; dhe do ta shpall “non grata” pas 24 korrikut, ndërsa Thesari Amerikan i ka bërë gati dosjen e sekuestrimit të pasurive.
Baza e hetimeve për familjen presidenciale, nuk janë milionat e Monikës për të rinovuar fytyrën e pjesët trupore dhe as për unazat në stomakun e Ilirit, sepse këto janë “thërrime” për ta.
Por për dosjet e pasurive të paluajtshme në Shqipëri, në disa shtete të BE e Turqi dhe miliardat e depozituara në parajsat fiskale e bankat ofshore, të siguruara me korrupsion, vjedhje, trafiqe, kontrabandë e biznese ilegale; një pjesë prej të cilave, siç deklaroi Nuredin Dumani, i ka përdorur për të eliminuar rivalët dhe denoncuesit e krimeve të tij.
Një nga 50 dosjet e hapura, që DASH ka gati për Ilir Metën, është ajo e aktiviteteve kriminale deri rrëmbime e zhdukje, vrasje, trafiqe kokaine dhe armësh që ka bërë në vitet 2000-2010 me Almir Rrapon, ish-krye-këshilltar i Ilir Metës kur ishte Ministër i Jashtëm gjatë pushtetit PD- LSI.
Paçka se Almir Rrapo ishte prej 7 vitesh në kërkim nga Drejtësia Amerikane, Ilir Meta e kishte emëruar krye- këshilltar diplomatik deri më 2 korrik 2010, kur FBI dhe DEA e prangosën brenda Ambasadës së SHBA në Tiranë, ku ai kishte shkuar për vizë Amerikane, si pjesë e një delegacioni të Ministrisë së Jashtme të Shqipërisë.
Pas ekstradimit, Almir Rrapo u dënua me burg në SHBA, për krimet “trafikim lëndësh narkotike, grabitje, rrëmbim personi, vjedhje e vrasje, si pjesë e organizatës kriminale “Krasniqi”, me aktivitet në Distriktet Jug- lindore të New York, Miçiganit e Konektikatit.
Në këmbim të dënimit vetëm 6 vite burg dhe pajisjes me identitete të tjera si i penduar i drejtësisë, Almir Rrapo çoi në qeli 20 anëtarët e bandës mafioze “Krasniqi”, ku bënte pjesë vetë.
Ndërsa për punësimin si krye- këshilltar në Ministrinë e Jashtme, Almir Rrapo deklaroi para FBI dhe gjykatës së New York, se e kishte ofruar Ilir Meta, për ta shpëtuar nga prangat, madje qysh prej vitit 2005 e kishte pajisur dhe me identitet tjetër, për të mos u zbuluar nga policia.
Por Almir Rrapo, ka lënë te drejtësia amerikane, një dosje me dëshmi të shumta, si i përdorur nga Ilir Meta në vitet 2000-2010 për trafiqe, kërcënime, rrëmbime, vrasje e kontrabandë e çdo “hall” që Meta e zgjidhte me “të fortë” të botës së krimit.
Madje, Almir Rrapo ka dëshmuar, se në vitet 2000-2002 kur ishte 19 vjeç e Ilir Meta ishte kryeministër, e kishte punësuar si krye-inspektor doganash e pajisur me “Stemë Garde”, si pjesë e grupit të shoqërimit të tij.
Kjo dosje është përpunuar tashmë dhe përbën një nga provat bazë kriminale të Ilir Metës, ndërsa dosjet e tjera, kanë lidhje me krimet ekonomike- financiare si korrupsion me fondet e pronat publike, trafik droge dhe pastrim parash./Pamfleti
