Prej 7 vitesh qeveria Rama nuk mundi tu japë zgjidhje problemeve të titujve të pronësisë, pavarësisht se e ka premtuar një gjë të tillë vazhdimisht. Por Ministri i Bujqësisë nuk ndalet së thururi lavde për shefin e tij Rama, ku kërkoi edhe votat e fermerëve. Nga Livadheja e Finiqit, Bledi Çuçi dëgjoi problemet me të cilat përballen fermerët e kësaj zone, ku ndër më kryesoret janë Certifikatat e Pronësisë dhe vaditja e tokave.
Kreu i Bashkisë Finiq, tha se deri më tani janë dhënë vetëm 15 % e titujve të pronësisë dhe një deklaratë të tillë Ministri i Bujqësisë nuk e ka mohuar dot, por tha se këtë katrahurë nuk ka tokësor që mund ta zgjidhë, përveç shefit të tij.
“Katrahura që është bërë me pronësinë në këtë vend nuk ka tokësorë që ta zgjidhi, përveç Edi Ramës. Ai e ka marrë në kurriz këtë punë, por duhet të kuptoni se kjo punë ka shumë probleme”, tha Ministri./Pamfleti
