Del zbuluar plani i Edi Ramës me amnistinë fiskale. Qeveria ka rihapur debatin me ligjin e amnistisë, pasi dyshimet janë se ai do të shërbej që krimi të legalizojë paratë e pista. Rama e ka mohuar këtë gjë, por duket se e ka lënë në baltë Sekretari i partisë, Damian Gjiknuri.
Ai ju ka bërë thirrje emigrantëve shqiptarë në Londër që të legalizojnë paratë e tyre në Shqipëri. I ndodhur në Londër me deputetët Blerina Gjylameti dhe Lavdrim Krashi, Gjiknuri tha se “çunat e Londrës” janë njerëz si të gjithë të tjerët dhe amnistia fiskale është mundësia e tyre perfekte për të legalizuar paratë e tyre.
“Ka burokraci, paragjykim, se ëkshtu është bota, jo erdhën çunat e Londrës, jo erdhën çunat e Londrës, pse more çfarë kanë çunat e Londrës, njerëz si të gjithë janë, janë njerëz që kanë marrë risqet e tyre, duan të ndërtojnë jetën e tyre. Ama kjo është një mundësi shumë e mirë, keni mundësi të legalizoni paratë tuaja, të investoni në Shqipëri, me një pagesë minimale taksash”, tha Gjiknuri ndër të tjera.
Por deklarata e tij ngjall mjaft dyshime, pasi zakonisht termi “çunat e Londrës” përdoret për ata çuna që punojnë në shtëpi bari.
